اتىراۋ وبلىسىندا اتىراۋ قالاسىنان 30-40 شاقىرىم قاشىقتىقتا كاسپي تەڭىزىنىڭ جاعالاۋىندا قامىس جانىپ جاتىر, دەپ حابارلايدى Egemen.kz توتەنشە جاعدايلار كوميتەتىنە سىلتەمە جاساپ.
"جانۋ ورنى باتپاقتى, وسىمدىكتەردىڭ بيىك بولۋى ءورتتى ءسوندىرۋدى قيىنداتتى, وسىعان بايلانىستى ارنايى تەحنيكانىڭ ءوتۋ مۇمكىندىگى جوق.
قالىپتاسقان جاعدايعا مونيتورينگ جۇرگىزۋ ماقساتىندا تجك "قازاۆياقۇتقارۋ" اق تىكۇشاعىمەن جانۋ اۋماعىنا اۋەدەن بارلاۋ جۇرگىزىلدى. ناتيجەسىندە جەكە وشاقتاردىڭ جانۋى انىقتالدى. جانۋ اۋدانى انىقتالۋدا. ەلدى مەكەندەرگە قاۋىپ جوق.
جانۋدى سوندىرۋگە اتىراۋ وبلىسى تجد, ورمان شارۋاشىلىعىنىڭ, جەرگىلىكتى اتقارۋشى ورگانداردىڭ كۇشتەرى مەن قۇرالدارىنان 55 ادام جانە 14 بىرلىك تەحنيكا جۇمىلدىرىلدى.
بۇگىن شىمكەنت قالاسىنان جانۋدى جوعارىدان ءسوندىرۋدى ۇيىمداستىرۋ ءۇشىن سۋ اعىزۋ قۇرىلعىسىمەن (5 توننا) جابدىقتالعان تىكۇشاقتىڭ ۇشۋى جوسپارلانۋدا", دەلىنگەن حابارلامادا.