جامبىل وبلىسىنىڭ اكىمى بەردىبەك ساپارباەۆ تاراز قالاسىنداعى اقىل-ويىنىڭ دامۋىندا كەمىستىگى بار بالالارعا ارنالعان ارنايى مەكتەپ-ينتەرناتىنا بارعان بولاتىن. جاقىندا عانا مەكتەپ نىسانىنا جاپسارلاس بوي كوتەرگەن عيماراتتىڭ قۇرىلىسى اياقتالعان. الايدا, جاڭا عيماراتتاعى سپورتزال, تىگىن جانە اعاش شەبەرحانالارى ءالى بوس تۇر ەكەن. باستاپقى جوبالاۋ كەزىندە جيھاز بەن جابدىق ساتىپ الۋعا قاراجات بولىنبەگەن. جاۋاپتى باسشىلاردىڭ ەشقايسىسى اتالعان ماسەلەگە ۋاقىتىلى نازار اۋدارماعان بولىپ شىقتى. بەردىبەك ساپارباەۆ ءبىلىم باسقارماسىنىڭ باسشىلىعىنا ەسكەرتۋ جاساپ, مۇنداي ماڭىزدى ىستە كەمشىلىكتەرگە جول بەرىلمەۋ كەرەكتىگىن اتاپ ءوتتى, - دەپ حابارلايدى Egemen.kz.
مەكتەپ-ينتەرناتتىڭ جۇمىسى تۋرالى ديرەكتوردىڭ مىندەتىن اتقارۋشى ليزا اتتىباەۆا جان-جاقتى باياندادى. مۇندا ەرەكشە ءبىلىم بەرۋدى قاجەت ەتەتىن 210 بالا وقيدى ەكەن. ولارعا بىلىكتى مامانداردىڭ كەشەندى كومەكتەرى كورسەتىلەدى. پسيحولوگ, دەفەكتولوگ, لوگوپەد, الەۋمەتتىك پەداگوگتاردان قۇرالعان كاسىبي ماماندار قاتارى بالالاردىڭ دەنساۋلىعىن تۇزەتۋ ماقساتىندا جۇمىس اتقارۋدا.
ال, ء"ىنجۋ" مەكتەپ-گيمنازيانىڭ ديرەكتورى جاننا ءمادىماروۆانىڭ ايتۋىنشا, مەكتەپتە ساباقتار قاشىقتىقتان جانە ءداستۇرلى تۇردە دە ءبىلىم الادى. ديرەكتوردىڭ ايتۋىنشا, مۇعالىمدەر مەن مەكتەپ جاڭا وقۋ جىلىنا دايىن ەكەن. بەردىبەك ساپارباەۆ مەكتەپ عيماراتىنىڭ قابىرعاسىنداعى موتيۆاتسيالىق جانە تانىمدىق كارتينالارعا دا ايرىقشا نازار اۋداردى. ول مۇعالىمدەردىڭ وقۋ-تاربيە جونىندەگى شىعارماشىلىق كوزقاراستارىن جوعارى باعالاپ, تاراز قالاسىنىڭ اكىمى ايتقازى قارابالاەۆقا بۇل تاجىريبەنى باسقا مەكتەپتەرگە دە قولدانۋدى تاپسىردى.
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ۇشىن Telegram جەلىسىندە بىزگە جازىلىڭىز.