29 تامىزدا ۆەلوشاباندوزدار اراسىنداعى ەڭ بەلدى جارىس – "تۋر دە فرانس" باستالادى. 20 قىركۇيەككە دەيىن سوزىلاتىن كوپكۇندىكتە "استانا پرو تيم" كلۋبىنىڭ دا سپورتشىلارى باق سىنايدى, - دەپ حابارلايدى Egemen.kz.
سوناۋ 1903 جىلى تۇساۋى كەسىلگەن ءدۇبىرلى دودادا قازاقستاندا ىرگەتاسى قالانعان ايتۋلى كوماندانىڭ مۇشەلەرى تابىستى ونەر كورسەتكەنى جانكۇيەرلەردىڭ جادىندا. اتاپ ايتساق, 2009 جىلى يسپانيالىق البەرتو كونتادور جانە 2014 جىلى يتاليالىق ۆينچەنتسو ءنيباليدىڭ وسى جارىستىڭ باس جۇلدەسىن ولجالاپ, "استانانىڭ" ابرويىن اسقاقاتقان ەدى. 2009 جىلى ءبىزدىڭ ۇجىم كوماندالىق سايىستا تەڭدەسسىز تانىلدى. جەكەلەگەن كەزەڭدەردە باسقا دا ۆەلوشاباندوزدارىمىز شاشالارىنا شاڭ جۇقتىرمادى. ال بىلتىرعى جىلى وتكەن باسەكەدە 22 جاستاعى كولۋمبيالىق سپورتشى ەگان بەرنالعا تەڭ كەلەر ەشكىم تابىلمادى.
بيىلعى جارىستا «استانا پرو تيم» كلۋبىنىڭ نامىسىن مىنا سپورتشىلار قورعايدى: الەكسەي لۋتسەنكو, ميگەل انحەل لوپەس, لۋيس لەون سانچەس, يون يساگيررە, گوركا يساگيررە, ۋگو ۋل, ومار فرايلە جانە حارولد تەحادا.
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ۇشىن Telegram جەلىسىندە بىزگە جازىلىڭىز.