قازاقستاندا كيىك سانىنىڭ ءوسۋى مەملەكەتتىك قاۋىپسىزدىك شارالارىن كۇشەيتۋ جانە ينسپەكتورلاردىڭ ماتەريالدىق-تەحنيكالىق بازاسىن جاقسارتۋدىڭ ارقاسىندا مۇمكىن بولدى, - دەپ حابارلايدى Egemen.kz.
اقمولا وبلىسىنداعى "وحوتزووپروم" ينسپەكتورلار توبىنىڭ باسى ايبەك ءالىپبايدىڭ ايتۋىنشا, بۇگىندە كوزبەن شولۋعا قاراعاندا, بۇل وڭىردە 70 مىڭعا جۋىق اقبوكەن بار.
جانۋارلاردى قورعاۋدى كۇشەيتۋ جانە مەملەكەت تاراپىنان باقىلاۋدى كۇشەيتۋ شاراسىنىڭ ارقاسىندا ولاردىڭ سانىنىڭ ءوسۋى بايقالادى. سونداي-اق وڭىردە كيىكتەردىڭ ءوسىپ-ونۋىنە قولايلى تابيعي جاعدايلار, سونىڭ ىشىندە قاجەتتى ازىق پەن قولايلى كليمات ىقپال ەتەدى. "بۇرىن ءبىزدىڭ تەحنيكامىز ناشار, ۋاز بولعان, ونداي كولىكتەرمەن كۇزەتۋ قيىندىق تۋدىراتىن, براكونەرلەردىڭ تەحنيكاسى جاقسى بولاتىن", - دەيدى ايبەك ءالىپباي, ماسەلەن, قازىر ءبىزدىڭ ءمىنىپ جۇرگەنىمىز "Toيoتا" ماركالى اۆتوموبيل, تۇتاستاي العاندا, ءبىزدىڭ پارك 2014 جىلدان باستاپ جاڭارا باستادى".
جۋرناليستەردىڭ جۇمىس قاۋىپسىزدىگى تۋرالى سۇراعىنا ينسپەكتور زاڭعا سايكەس ەرەكشە جاعدايلاردا, ومىرگە قاۋىپ تونگەندە نىسانعا قارۋ قولدانۋعا قۇقىلى ەكەنىن ايتتى. ء"اربىر ينسپەكتوردا وق وتكىزبەيتىن كوكىرەكشە, پۋلەمەت, كارابين نەمەسە تاپانشا بار", - دەيدى ينپەكستور. "ماتەريالدىق بازامىز بەن جابدىقتالۋ جاعى جاقساردى, ەندى بىركەلكى كيىم كيۋ ماسەلەسىن جاقسارتۋعا ۋادە بەرۋدە. جۇمىس ىستەۋگە جاعداي بار. جالاقى دەڭگەيى بىرنەشە فاكتورعا, ونىڭ ىشىندە ەڭبەك وتىلىنە بايلانىستى. ۆاحتالىق ادىسپەن 15 كۇن جۇمىس ىستەيمىز, سودان كەيىن دەمالامىز. براكونەرلەردى ۇستاعان جاعدايدا بونۋس الامىز - ول جالاقىنىڭ 150%-ءى. جىل باسىنان بەرى مەن, مىسالى, ءبىر براكونەر ۇستادىم. 2016 جىلى دا وسىنداي جاعداي بولدى. ۇستاۋ كەزىندە براكونەرلەر مەنى پىشاقپەن موينىمنان جارالاعانمەن, ناتيجەسىندە, ولاردى ءبارىبىر ۇستادىق".
ينسپەكتور اتاپ وتكەندەي, بۇرىن براكونەرلەر ءجيى توپتاسىپ جۇمىس ىستەپ, قىلمىسقا مۇقيات دايىندالاتىن.
"ولار نەگىزىنەن "Toيoتa" -100 ماركالى اۆتوموبيل مىنەدى, ولاردى كۇشەيىپ, امورتيزاتورلار ورناتىپ, جىلدامدىقتى ارتتىرادى. ياعني, ولار دايىندىقپەن, قۋاتتى جابدىقپەن شىعادى. ءبىر رەت ءبىز قاراعاندى وبلىسىنىڭ اۋماعىندا 100 باستاي كيىك اۋلاعان قىزىلوردا وبلىسى براكونەرلەردىڭ ىزىنە تۇستىك", - دەيدى ينسپەكتور.
ايتا كەتۋ كەرەك, جىل باسىنان بەرى قازاقستاندا ۇستالعان براكونەرلەردەن 256 تۇتاس ەت پەن 1245 كيىكتىڭ ءمۇيىزى, سونداي-اق 5 قاراقۇيرىق پەن 2 يتەلگى تاركىلەندى. ايتىلعانداردىڭ ءبارى قازاقستاننىڭ قىزىل كىتابىنا ەنگىزىلگەن.
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ۇشىن Telegram جەلىسىندە بىزگە جازىلىڭىز.