وبلىستىق بالالار اۋرۋحاناسىنا 13 تامىزدا 2005 جىلى تۋعان ءجاسوسپىرىم مۋلتيسيستەمالىق قابىنۋ دياگنوزىمەن تۇسكەن. اۋرۋحانا باس دəرىگەرىنىڭ ورىنباسارى ورىندىق جۇبانقىزىنىڭ ايتۋىنشا, جاسوسپىرىمدە كوروناۆيرۋس ينفەكتسياسى ناقتىلانعان, - دەپ حابارلايدى Egemen.kz.
"باستاپقىدا ءجاسوسپىرىمدى ۋچاسكەلىك دəرىگەر ەمدەگەن. ناۋقاستىڭ قىزۋى جوعارىلاپ, دەنەسىندە بورتپەلەر, تىنىس الۋ جەتىسپەۋشىلىگى, اياق-قولىنىڭ ءىسىنۋى پايدا بولدى. سول سەبەپتەن, اتىراۋ وبلىستىق بالالار اۋرۋحاناسىنىڭ رەانيماتسيالىق بولىمىنە جاتقىزىلدى. رەسپۋبليكالىق مەديتسينا ۇيىمدارىنىڭ باس ماماندارىمەن بىرلەسە كەشەندى ەمدەۋ تەراپياسى جۇرگىزىلدى. سونىڭ نəتيجەسىندە سوڭعى كۇندەرى ناۋقاستىڭ جاعدايىندا وڭ ديناميكا بايقالدى. تاماققا تəبەتى اشىلىپ, بوتەكەلەرى وزدىگىنەن جۇمىس ىستەي باستادى.
الايدا, دەنساۋلىق ساقتاۋ مينيسترلىگى بەكىتكەن الگورتيمگە سəيكەس, مۇنداي دياگنوزبەن اۋىرعان ناۋقاستار ورتالىقتا ەمدەلۋى كەرەك. سوندىقتان, ءجاسوسپىرىم 21 تامىزدا الماتى قالاسىنداعى پەدياتريا جانە بالالار حيرۋرگياسى عىلىمي ورتالىعىنىڭ ينفەكتسيالىق بولىمشەسىنە سانيتاريالىق اۆياتسيامەن جەتكىزىلدى", - دەدى ورىندىق جۇبانقىزى.
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ۇشىن Telegram جەلىسىندە بىزگە جازىلىڭىز.