20 تامىزداعى جاعداي بويىنشا, كوروناۆيرۋسقا شالدىقانداردىڭ سانى ازايعانىن ەسكەرە وتىرىپ, توعىز مەديتسينالىق ۇيىمدار جابىلدى. كۆي راستالعان پاتسيەنتتەر سانى 2000-نان 95-كە نەمەسە 14 ەسەگە, پنەۆمونيامەن 1333-تەن 176-عا نەمەسە 7 ەسەگە ازايدى. بۇل تۋرالى نۇر-سۇلتان قالاسىنىڭ ءباسپاسوز قىزمەتى حابارلايدى, دەپ جازادى Egemen.kz
ەلورداداعى ەپيدەميولوگيالىق جاعداي تۋرالى قوعامدىق دەنساۋلىق ساقتاۋ باسقارماسىنىڭ باسشىسى تيمۋر مۇراتوۆ COVID-19 باعدارلاماسىندا ايتىپ بەردى. ونىڭ ايتۋىنشا, بۇگىندە قالا بويىنشا جاعداي تولىقتاي تۇراقتالدى.
"نۇر-سۇلتان قالاسىنداعى ىندەتتىڭ ءوربۋى كەزىندە حالىققا مەديتسينالىق كومەك ۇيىمداستىرۋدا 16 ەمدەۋ مەكەمەسى تارتىلدى. بۇگىندە 9 ستاتسيوناردى جاۋىپ وتىرمىز. ءبىرىنشى سوققى ءاردايىم جەدەل جاردەم قىزمەتى مەن امبۋلاتورلى ەمحانا قىزمەتىنە تيەدى. وسى ورايدا ءبىز قازىر جەدەل جاردەمنىڭ ماتەريالدىق-تەحنيكالىق بازاسىن نىعايتىپ كەلەمىز. بۇگىندە 100-گە جەتەتىن بريگادالاردىڭ سانىن قىزمەتتىڭ وزىندە كوبەيتۋگە مۇمكىندىك تۋىپ وتىر. قالالىق ەمحانالاردا شۇعىل كومەك كورسەتۋ بولىمشەلەرىندە قازىردىڭ وزىندە 60 بريگادا بار", دەدى تيمۋر مۇراتوۆ.
سونداي-اق باسقارما تاراپىنان جەدەل كومەك كورسەتۋ ءۇشىن 207 ءموبيلدى بريگادا ۇيىمداستىرىلعاننى ايتتى. بريگادا قۇرامىنا مەديتسينالىق كومەك كورسەتەتىن ۋچاسكىلىك دارىگەر جانە بەيىندى مامانداردان كىرەدى. بىرقاتار قالالىق اۋرۋحانالار وزدەرىنىڭ قالىپتى رەجيمىنە كوشىپ, جوسپارلى جۇمىستارىنا كىرىستى. وسىلايشا, قازىر اۋرۋحاناعا ەم قابىلداۋ ءۇشىن كەزەگىن كۇتكەن ناۋقاستار, سوزىلمالى اۋرۋلارى بار ناۋقاستار اۋرۋحانا قابىرعالارىندا قاجەتتى مەديتسينالىق كومەك الا الادى.
"بارلىق پروفيلاكتيچەسكالىق شارالاردى ساقتاعان وتە ماڭىزدى. ماسكا كيۋ, ارا-قاشىقتىقتى ساقتاۋ, حالىق كوپ جينالاتىن جەرلەرگە بارۋدان باس تارتۋ", قورىتىندىلادى تيمۋر مۋراتوۆ.
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ۇشىن Telegram جەلىسىندە بىزگە جازىلىڭىز.