قالاداعى بىلىكتى تەولوگ, ءدىنتانۋشى جانە پسيحولوگ ماماندار حالىقتى ارالاپ, ونلاي-كەزدەسۋلەر دە ۇيىمداستىرۋدا, - دەپ حابارلايدى Egemen.kz ەلوردا اكىمدىگىنىڭ رەسمي سايتىنا سىلتەمە جاساپ.
نۇر-سۇلتان قالاسىنىڭ ءدىن ىستەرى باسقارماسىنىڭ جانە ءدىن ماسەلەلەرىن زەرتتەۋ ورتالىعىنىڭ باستاماسىمەن 17 تامىزدان باستاپ ەلوردا حالقى اراسىندا ءدىن سالاسىنداعى اقپاراتتىق-ءتۇسىندىرۋ جۇمىستارى جاڭا فورماتتا وتكىزىلۋدە.
اقپاراتتىق-ءتۇسىندىرۋ توبىنىڭ مۇشەلەرى, قالامىزدىڭ بىلىكتى تەولوگ, ءدىنتانۋشى جانە پسيحولوگ ماماندارى «بيگ شانحاي», «شارىن», «الاش», «كوك بازار», «ورتالىق» بازارلارى, «اجار», «الەم», «ىرىستى», «استانالىق» ساۋدا ۇيلەرىنىڭ قىزمەتكەرلەرى مەن ساۋداگەرلەرىمەن كەزدەسىپ, ءدىن سالاسىنداعى ماڭىزدى اقپاراتتارمەن ءبولىستى.
ءىس-شارا بارىسىندا تىڭداۋشىلارعا قازاقستان رەسپۋبليكاسىنىڭ ءدىن سالاسىنداعى زاڭنامالىق اكتتەرىنىڭ نورمالارى, دەسترۋكتيۆتى ءدىني اعىمداردىڭ قاۋپى, ولاردان ساقتانۋ مەن تارالۋىنىڭ الدىن-الۋ ماسەلەلەرى ءتۇسىندىرىلدى.
سونىمەن قاتار, ءدىن سالاسىنداعى پايدالى اقپاراتتار كورسەتىلگەن اقپاراتتىق بروشيۋرالار تاراتىلىپ, ء«ىKOMEK 109» بىرىڭعاي بايلانىس ورتالىعىنىڭ ءدىن سالاسى بويىنشا كەڭەس الۋ مۇمكىندىگى تۋرالى اقپاراتتار بەرىلدى.
قازىرگى تاڭدا اقپاراتتىق ءتۇسىندىرۋ-جۇمىستارى ەكى نەگىزگى باعىتتا جۇرگىزىلۋدە: «Elorda_cipr» ينستاگرام پاراقشاسى ارقىلى كۇندەلىكتى تىكەلەي ەفيردەگى ونلاين دارىستەر جانە ەلوردا مەكەمەلەرى مەن ۇيىمدارىنداعى دارىسكەرلەردىڭ قاتىسۋىمەن وتەتىن وففلاين فورماتتاعى كەزدەسۋلەر. بارلىق دارىستەردە تىڭداۋشىلاردى قىزىقتىراتىن سۇراقتارعا تولىققاندى اقپاراتتار بەرىلۋدە.
سانيتارلىق-ەپيدەميولوگيالىق احۋالعا بايلانىستى, اتالعان كەزدەسۋلەردى جىلدىڭ سوڭىنا دەيىن وتكىزۋ جوسپارلانۋدا.
ەستەرىڭىزگى سالا كەتسەك, قازاقستان رەسپۋبليكاسىن ءدىني ەكسترەميزم مەن تەرروريزمگە قارسى ءىس-قيمىل جونىندەگى 2018-2022 جىلدارعا ارنالعان مەملەكەتتىك باعدارلامانى جۇزەگە اسىرۋ اياسىندا, بىلىكتى مامانداردان تۇراتىن اقپاراتتىق-ءتۇسىندىرۋ توبى زايىرلىلىق, قازاقستاندىق قوعامنىڭ ءداستۇرلى قۇندىلىقتارىن ناسيحاتتايدى.
دىنگە قاتىستى ماسەلەلەر بويىنشا بىلىكتى ماماننان كەڭەس الۋعا نيەت بىلدىرۋشىلەر ءۇشىن نەمەسە كومەككە مۇقتاج جاندار ءۇشىن 109 iKOMEK نومىرىنە حابارلاسۋعا بولادى.
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ۇشىن Telegram جەلىسىندە بىزگە جازىلىڭىز.