«اللانىڭ جولىندا نە جۇمساساڭدار دا, اللا تاعالا مىندەتتى تۇردە ونىڭ ورنىن تولتىرادى» ء(«سابا» سۇرەسى, 39-ايات). ادامنىڭ اينالاسىنداعى مۇقتاج جاندارعا دەگەن ىقىلاسى مەن كومەگى ادامگەرشىلىك قارىم-قاتىناستاردىڭ وزىق ۇلگىسى بولسا كەرەك. جۇرەگىندە يمانى بار جۇرت قولىنان كەلگەنشە اللا الدىنداعى قاسيەتتى پارىزدىڭ ءبىرىن قايىرىمدىلىق دەپ بىلەدى.
وسىنداي قايىرىمدىلىق شاراسىن جاقىندا يماندىلىقتىڭ ورداسى سانالاتىن نۇر-سۇلتان قالاسىنداعى ازىرەت سۇلتان مەشىتى جاسادى. مەشىتتىڭ باس يمامى ەربولات ءجۇسىپوۆتىڭ باستاماسىمەن «استانا قالاسى مۇگەدەكتەر قوعامى» قوعامدىق بىرلەستىگى مەن «سەمەي-ياپ» قوعامدىق قورىنا قايىرىمدىلىق جاساپ, مۇقتاج جاندارعا كومەك قولىن سوزدى.
– وسىنداي قيىن-قىستاۋ كەزەڭدە مۇگەدەك, كومەككە مۇقتاج جاندارعا قولداۋ كورسەتىپ وتىرعان ازىرەت سۇلتان مەشىتىنىڭ ۇجىمىنا, ونىڭ باس يمامى ەربولات جۇسىپوۆكە العىسىمىزدى جەتكىزگىمىز كەلەدى. مەشىت اتىنان ءبىزدىڭ مۇشەلەرىمىزگە ەلۋگە تارتا ازىق-ت ۇلىك سەبەتىن تاراتتى. اللانىڭ نۇرى جاۋسىن! قايىرىمدى جاندارعا ۇلكەن العىسىمىزدى بىلدىرەمىز, – دەيدى «استانا قالاسى مۇگەدەكتەر قوعامى» قوعامدىق بىرلەستىگى مەن «سەمەي-ياپ» قوعامدىق قورىنىڭ توراعاسى بولاتبەك ابدىكارىم.
مەشىتتىڭ باس يمامى قايىرىمدىلىق شاراسى الداعى ۋاقىتتا دا جالعاساتىنىن, اتالعان قوعامدىق بىرلەستىك پەن قوعامدىق قوردىڭ كومەككە مۇقتاج ازاماتتارىن اركەز قولداپ, كومەك كورسەتەتىندەرىن جەتكىزدى.