ەلىمىزدىڭ ءححى عاسىرداعى دامۋ مۇمكىندىگىن ايقىندايتىن «قازاقستان-2050» ستراتەگياسىن ءتيىمدى ىسكە اسىرۋ جولىنداعى «نۇر وتان» پارتياسىنىڭ ءرولى جاڭا ساياسي دوكترينادا ايقىن كورىنىس تاپقان. دوكترينا – مەملەكەت باسشىسىنىڭ ستراتەگيالىق باستامالارىن ساياسي قولداۋعا جانە يدەولوگيالىق سۇيەمەلدەۋدى قامتاماسىز ەتۋگە باعىتتالعان كەشەندى دامىتۋ جوسپارى. ول قازاقستاننىڭ تاعدىرىنا جاۋاپكەرشىلىك الۋعا قابىلەتتى, ەل ازاماتتارىنىڭ باسىم كوپشىلىگىنە جاقىن جانە تۇسىنىكتى يگى ماقساتتاردى قولدايتىن بارلىق كۇشتەردى بىرىكتىرۋ يدەياسىنا نەگىزدەلگەن. وندا پارتيانىڭ ادىلەتتى الەۋمەتتىك ساياساتىنىڭ نەگىزى – ءاربىر ادامنىڭ ءوزىن ءوزى دامىتۋىنا, تۇرمىسىن جاقسارتۋىنا ازاماتتاردىڭ ساپالى مەديتسينالىق كومەككە قول جەتكىزۋىنە بايلانىستى ماسەلەلەر ناقتى بەلگىلەنگەن. ادامنىڭ ءومىر ءسۇرۋ دەڭگەيىن جاقسارتۋ – بۇل, ەڭ الدىمەن, مەديتسينالىق قىزمەت كورسەتۋدىڭ قولجەتىمدىلىگى مەن ساپاسىن ارتتىرۋعا, سالاماتتى ءومىر سالتىن قالىپتاستىرۋعا بايلانىستى ەكەنى بەلگىلى.
ەلىمىزدىڭ ءححى عاسىرداعى دامۋ مۇمكىندىگىن ايقىندايتىن «قازاقستان-2050» ستراتەگياسىن ءتيىمدى ىسكە اسىرۋ جولىنداعى «نۇر وتان» پارتياسىنىڭ ءرولى جاڭا ساياسي دوكترينادا ايقىن كورىنىس تاپقان. دوكترينا – مەملەكەت باسشىسىنىڭ ستراتەگيالىق باستامالارىن ساياسي قولداۋعا جانە يدەولوگيالىق سۇيەمەلدەۋدى قامتاماسىز ەتۋگە باعىتتالعان كەشەندى دامىتۋ جوسپارى. ول قازاقستاننىڭ تاعدىرىنا جاۋاپكەرشىلىك الۋعا قابىلەتتى, ەل ازاماتتارىنىڭ باسىم كوپشىلىگىنە جاقىن جانە تۇسىنىكتى يگى ماقساتتاردى قولدايتىن بارلىق كۇشتەردى بىرىكتىرۋ يدەياسىنا نەگىزدەلگەن. وندا پارتيانىڭ ادىلەتتى الەۋمەتتىك ساياساتىنىڭ نەگىزى – ءاربىر ادامنىڭ ءوزىن ءوزى دامىتۋىنا, تۇرمىسىن جاقسارتۋىنا ازاماتتاردىڭ ساپالى مەديتسينالىق كومەككە قول جەتكىزۋىنە بايلانىستى ماسەلەلەر ناقتى بەلگىلەنگەن. ادامنىڭ ءومىر ءسۇرۋ دەڭگەيىن جاقسارتۋ – بۇل, ەڭ الدىمەن, مەديتسينالىق قىزمەت كورسەتۋدىڭ قولجەتىمدىلىگى مەن ساپاسىن ارتتىرۋعا, سالاماتتى ءومىر سالتىن قالىپتاستىرۋعا بايلانىستى ەكەنى بەلگىلى.
وبلىستىڭ دەنساۋلىق ساقتاۋ سالاسىنىڭ قىزمەتكەرلەرى جاڭا دوكترينانى قىزۋ تالقىلاپ, ونى قولدايتىندىقتارىن بىلدىرگەن ەدى. سەبەبى, ءبىزدىڭ باستى قۇجاتىمىز, «پارتيا كونستيتۋتسياسى» بولىپ تابىلاتىن اتالعان دوكترينا مەديتسينا قىزمەتكەرلەرىنە دە ۇلكەن مىندەتتەر جۇكتەيدى.
ەل پرەزيدەنتى نۇرسۇلتان نازارباەۆ ۇلت دەنساۋلىعىن ساقتاۋ ماسەلەسىن تۇراقتى تۇردە نازاردا ۇستاپ كەلەدى. ءتىپتى, ۇكىمەتتىڭ وسى سالاعا باسا نازار اۋدارىپ, قارجىلاندىرۋدى جىلدان جىلعا ارتتىرۋعا مۇمكىندىكتەر قاراستىرۋىن دا ەلباسىنىڭ پارمەنى دەپ بىلەمىز. سوڭعى جىلدارى «دەنساۋلىق پويىزىنىڭ» ۇيىمداستىرىلۋى, «سالاماتتى قازاقستان» باعدارلاماسىنىڭ قابىلدانۋى سەكىلدى ۇزاق مەرزىمدى شارالار جەمىسىن بەرە باستادى. وسىعان وراي اۋرۋحانالاردى ۋاقىت تالاپ ەتىپ وتىرعان قۇرال-جابدىقتارمەن قامتاماسىز ەتۋ, دارىگەرلەردىڭ بىلىكتىلىگىن ارتتىرۋ, كەز كەلگەن دەرتتىڭ الدىن الۋ قارقىندى جۇرگىزىلىپ كەلەدى.
جامبىل وبلىستىق دەنساۋلىق ساقتاۋ باسقارماسى «سالاماتتى قازاقستان» مەملەكەتتىك باعدارلاماسىن ىسكە اسىرۋ بويىنشا ءبىرشاما جۇمىس اتقارىپ ۇلگەردى. ناقتى مىسالدارعا جۇگىنەر بولساق, 2013 جىلدىڭ 7 ايىندا العاشقى رەت انىقتالعان اۋرۋلار سانى 374 139, 2012 جىلدىڭ 7 ايىندا 367 668 ادام بولدى. جالپى اۋرۋشاڭدىق 2013 جىلدىڭ 7 ايىندا 100 مىڭ ادامعا شاققاندا 35201,7 قۇرادى. بۇل كورسەتكىش 2012 جىلدىڭ 7 ايىندا 34592,9 بولعان ەدى.
تۋبەركۋلەز اۋرۋشاڭدىعى 100 مىڭ ادامعا شاققاندا 46,1-دەن 42,2-گە, ناركولوگيالىق اۋرۋشاڭدىق 118,0-دەن 96,5-كە, پسيحيكالىق اۋرۋشاڭدىق 47,3-تەن 38,35-كە دەيىن تومەندەدى. ارتەريالدىق گيپەرتونيامەن اۋرۋشاڭدىق 2013 جىلدىڭ 7 ايىندا 100 مىڭ ادامعا شاققاندا 1047,57-دەن 2012 جىلدىڭ 7 ايىندا 928,45-كە دەيىن تومەندەدى. تۋبەركۋلەزدەن ءولىم 2013 جىلدىڭ 7 ايىندا 2012 جىلدىڭ 7 ايىنا قاراعاندا 3,5-تەن 3,1-گە دەيىن ازايدى.
قاتەرلى ىسىكتەن ءولىم كورسەتكىشى 50,6-دان 47,7-گە دەيىن, قان تامىرلارى اۋرۋلارىنان ءولىم كورسەتكىشى 100 مىڭ ادامعا شاققاندا 229,7-دەن 163,1-گە كەمىدى. جول-كولىك اپاتتارىنان ءولىمدى ازايتۋ جانە جاراقاتتار كەزىندە مەديتسينالىق كومەكتى جوعارىلاتۋ ماقساتىندا الماتى – تاشكەنت تراسساسى بويىندا شۋ قالالىق اۋرۋحاناسى نەگىزىندە 25 توسەكتىك اۋدانارالىق تراۆماتولوگيا بولىمشەسى اشىلدى.
بۇدان باسقا دا اتقارىلعان جۇمىس از ەمەس. بۇل رەتتە بىرىڭعاي ۇلتتىق دەنساۋلىق ساقتاۋ جۇيەسى شەڭبەرىندە حالىققا كورسەتىلىپ وتىرعان مەديتسينالىق قىزمەت تۋرالى بارلىق اۋداندار مەن شالعاي اۋىلدىق ەلدى مەكەندەردە ءتۇسىندىرۋ-اقپاراتتىق جۇمىستارىن جۇرگىزگەنىمىزدى دە ايتا كەتسەم دەيمىن. سەبەبى, ءاربىر قازاقستاندىق ءۇشىن باستى قۇندىلىق – ءوزىنىڭ دەنساۋلىعى ەكەنىن ءتۇسىنۋ ءالى دە كەمشىن سوعىپ وتىر. «اۋىرعاننان – اۋىرماۋدىڭ الدىن الۋ كەرەك» ەكەندىگىن ۇعىناتىن كەز كەلدى. سوندىقتان, كەز كەلگەن ازامات دارىگەرگە قۇلاپ قالعان سوڭ ەمەس, الدىن الا قارالسا, ەرتەرەك ەم قابىلداسا, وزىنە عانا ەمەس, دارىگەرلەرگە دە وڭاي بولار ەدى. ال بۇگىندە كەز كەلگەن كەسەلدى انىقتاۋعا مۇمكىندىك كوپ. قىسقاسى, اۋىرماعان ادام عانا ءوز وتباسىنان باستاپ قوعامعا دەيىن زور پايداسىن تيگىزەدى.
ەلباسى قاشاندا الەۋمەتتىك ساياساتقا, حالىقتىڭ ءال-اۋقاتىن ارتتىرۋعا جانە ءومىر ءسۇرۋ ساپاسىن جاقسارتۋعا ەرەكشە كوڭىل ءبولىپ كەلەدى. جاڭا دوكتورينادا دا بۇل ماسەلەگە ۇلكەن جاۋاپكەرشىلىكپەن قاراۋ كوزدەلگەن. قازاقستاندىقتار ەل ەكونوميكاسىنىڭ وسۋىمەن قاتار, دەنساۋلىق ساقتاۋ جۇيەسىنىڭ نىعايۋىن, ال مەديتسينالىق قىزمەتتەردىڭ مەيلىنشە قولجەتىمدى ءارى ساپالى بولۋىن قالايتىنى – تابيعي جايت. بۇل رەتتە ءبىز دە قوعام بولىپ, مەملەكەت بولىپ وسى مىندەتتى شەشۋ باعىتىندا جۇمىس ىستەۋگە ءتيىسپىز.
سالتانات وماربەكوۆا,
جامبىل وبلىسى اكىمدىگىدەنساۋلىق ساقتاۋ
باسقارماسىنىڭ باسشىسى.
تاراز.