ونلاين كەڭەس وتكىزدى

قوعام وكىلدەرى, ورتالىق, جەرگىلىكتى مەملەكەتتىك ورگاندارىنىڭ جانە كۆازي­مەم­­لەكەتتىك سەكتور سۋبەكتىلەرىنىڭ باس­شىلىعى قاتىسقان ءىس-شارانى اشا وتىرىپ, اگەنتتىك توراعاسى ا.شپەكباەۆ ازامات­تىق قوعامدى جاڭا جوسپاردى ازىرلەۋگە بەلسەندى تارتۋدىڭ وزەكتىلىگىن اتاپ ءوتتى.

اگەنتتىك وكىلىنىڭ نەگىزگى بايانداما­سىنىڭ بارىسىندا جوسپاردىڭ جوباسىنا جۇزەگە اسىرىلۋى ساپالىق وزگەرىستەرگە مۇلدەم اسەر ەتپەيتىن فورمالدى جانە دەكلاراتيۆتى ۇسىنىستاردى جولداعان جەكەلەگەن مەملەكەتتىك ورگاندارعا قاتىستى سىني پىكىرلەر ايتىلدى.

ارنايى مونيتورينگتىك توپتىڭ بەل­سەندى مۇشەلەرىنىڭ ءبىرى ت.نارىكباەۆ سىبايلاس جەمقورلىققا قارسى ءىس-قيمىل جونىندەگى ءىس-شارالاردى ازىرلەۋ كەزىندە مەملەكەتتىك ورگانداردىڭ ءبىرىن­شى باسشى­لارىنىڭ مىندەتتى تۇردە قاتىسۋى قاجەت­تىگىن جانە ولاردىڭ جاۋاپكەرشىلىگىن ارتتىرۋدى اتاپ ءوتتى.

«تالاپ» قولدانبالى زەرتتەۋلەر ورتا­لىعىنىڭ باسشىسى ر.وشاقباەۆ سىبايلاس جەمقورلىققا قارسى ستراتەگيانى شىن مانىندە ءتيىمدى قۇجاتقا اينالدىرىپ, قايتا قۇرۋدى ۇسىندى.

سالالىق ساراپشىلار مەن قوعامشىل­داردىڭ تۇجىرىمدارىن نازارعا الا وتىرىپ, ايتىلعان سىن-ەسكەرتپەلەردىڭ نەگىزىن­دە مەملەكەتتىك ورگاندار مەن ۇيىم­­دارعا ءوز ۇسىنىستارىن قايتا پى­سىق­­تاۋعا مۇمكىندىك بەرۋ تۋرالى شەشىم قا­بىلداندى. «بۇگىن سىبايلاس جەم­­قورلىققا قارسى كۇن تارتىبىنە ازامات­تاردىڭ باسىم كوپشىلىگىنىڭ نازارى اۋدارىلدى, سوندىقتان مەملەكەتتىك ور­گانداردىڭ باسشىلىعىنا بۇل ماسە­لەگە پاتريوتتىق سەزىم مەن ەل بولاشاعى ءۇشىن جاۋاپكەرشىلىكتى ەسكەرە وتىرىپ قاراۋ وتە ماڭىزدى», دەدى اگەنتتىك توراعاسى.