ۇستىمىزدەگى جىلدىڭ ءساۋىر ايىندا بانكوماتتان اقشاسىن الىپ, كەتىپ بارا جاتقان ايەلدىڭ ارتىنان باسپالاپ جەتكەن ۇرى ونىڭ 150 مىڭ تەڭگەسى بار سومكەسىن ج ۇلىپ الىپ, قاشىپ كەتكەن. الايدا ونىڭ جانىندا بولعان ايەلدى كورىپ تۇرعان تاكسي جۇرگىزۋشىسى سەرگەي كۋزەنەۆ پەن سول ماڭداعى دۇكەن ساتۋشىسى لاريسا بۋرلەۆا ۇستاپ, پوليتسياعا تاپسىرعان. ارينە, سىبايلاسى قولعا تۇسكەن سوڭ ۇرىنىڭ كىم ەكەندىگى دە بەلگىلى بولىپ, ارادا كوپ ۋاقىت وتپەي ول دا ۇستالعان.
14 شىلدەدە سوت ۇكىمى شىعىپ, ۇرى 3 جىلعا باس بوستاندىعىنان ايرىلدى, ال ونىڭ سىبايلاسىنىڭ 3 جىلعا باس بوستاندىعى شەكتەلگەن. كەلتىرىلگەن شىعىن تولىعىمەن ورنىنا كەلتىرىلدى.
سولتۇستىك قازاقستان پد قىراعىلىق تانىتىپ, پوليتسياعا كومەكتەسكەن ەكى ازامات س.كۋزەنوۆ پەن ل.بۋرلەۆاعا ساپ الدىندا العىس جاريالاپ, ماراپات تاپسىردى. "قۇقىق قورعاۋ ورگاندارىنا كومەك كورسەتەتىن ازاماتتاردى ماراپاتتاۋ پوليتسيادا يگى داستۇرگە اينالعان بۇل اينالاسىندا بولىپ جاتقان جايتتەرگە بەيجاي قارامايتىن تۇرعىندار مەن پوليتسيانىڭ اراسىنداعى ءىس-قيمىلدىڭ تيىمدىلىگىن كورسەتەدى. وسى قىلمىستى اشۋدا ەرەكشە كومەك كورسەتكەن بارشا ازاماتتارعا العىس ايتامىن", دەدى پەتروپاۆل قالالىق پب باستىعى, پولكوۆنيك جاندوس مۇقاتوۆ.