شىعىس – ادالدىق الاڭى» جوبالىق كەڭسەسى ارنايى جۇمىس توبى وكىلدەرىمەن بىرگە وسكەمەن قالاسىنىڭ ورتالىق كوشەلەرىندە ورنالاسقان ساۋدا نىساندارىنا رەيد جۇرگىزۋدى جالعاستىرۋدا, دەپ حابارلايدى Egemen.kz.
ايماقتا رەيد جۇمىستارى الەمدىك پاندەمياعا بايلانىستى ەل اۋماعىندا تج رەجيمى جاريالانعان ۋاقىتتا باستالعان بولاتىن. بۇگىنگى كۇنگە دەيىن ارنايى توپ وكىلدەرى كارانتين تالاپتارى بويىنشا قوعامدىق ءتارتىپتى باقىلاۋدا ۇستاپ وتىر.
جۇمىس توبى سانيتارلىق تالاپتاردى ساقتاماعان كاسىپ يەلەرىنە ەسكەرتۋ جاساپ, قوعامدىق يمۋنيتەتتى قالىپتاستىرۋ ماقساتىندا كارانتين ەرەجەلەرىن ساقتاۋدى تالاپ ەتتى.
ساۋدا ورىندارىن تەكسەرۋ كەزىندە ءارتۇرلى مەكەمەدە سانيتارلىق قاۋىپسىزدىكتى ساقتاۋعا ەرەكشە دەن قويىلعانى بايقالدى. دەگەنمەن اراسىندا ءالى دە قاۋىپتى ەلەمەيتىندەر تابىلىپ جاتتى. ولارعا جوبالىق كەڭسە تاراپىنان كەڭىنەن ءتۇسىندىرۋ جۇمىستارى جۇرگىزىلدى.
بەتپەردە تاعۋ, اراقاشىقتىقتى ساقتاۋ سىندى تالاپتار ەسكەرۋسىز قالماۋ ءۇشىن ارنايى جۇمىس توبى كۇندەلىكتى رەيد جۇرگىزەدى. ماسەلەن ارنايى جۇمىس توبى ۇيىمداستىرعان رەيدتىڭ ءبىرىنشى كۇنى سانيتارلىق تالاپتاردى ساقتاماعانى ءۇشىن كاسىپ يەلەرى ەسكەرتۋ الدى.