ەكونوميكالىق قاۋىپسىزدىكتى قامتاماسىز ەتۋ – نەگىزگى مىندەتتەردىڭ ءبىرى

مەملەكەت باسشىسىنىڭ كوروناۆيرۋس ينفەكتسياسىمەن كۇرەسۋگە بولىنگەن بيۋدجەت قاراجاتىنىڭ ماقساتتى جانە ۇتىمدى پايدالانىلۋىن باقىلاۋدى قامتاماسىز ەتۋ, دارىلىك زاتتار مەن مەديتسينالىق بۇيىمداردىڭ زاڭسىز اينالىمىنىڭ جولىن كەسۋ, سونداي-اق قارجى پيراميدالارىنا قارسى كۇرەس جونىندەگى تاپسىرمالارىن ىسكە اسىرۋعا ەرەكشە نازار اۋدارىلدى.

جۇرگىزىلگەن تەكسەرۋلەردىڭ ناتيجەلەرى بويىنشا زاڭسىز اينالىمنان 9,6 ملن استام مەديتسينالىق بەتپەردە, 65 مىڭ ليتر انتيسەپتيكتەر, 819 ملن تەڭگە سوماسىنا ءتۇرلى دارىلىك پرەپاراتتاردىڭ 388,2 مىڭنان استام وراماسى الىنىپ, اۋماقتىق دەنساۋلىق ساقتاۋ ورگاندارىنا بەرىلدى.

بۇدان باسقا قاۋىپسىزدىك كەڭەسى توراعاسىنىڭ كولەڭكەلى ەكونوميكاعا قارسى كۇرەستىڭ كەشەندى ءتاسىلىن ۇيىمداستىرۋ جانە كولەڭكەلى اينالىمدى قىسقارتۋ جونىندەگى تاپسىرماسىن ورىنداۋ ماسەلەسى قارالدى.

وسىلايشا, كولەڭكەلى ەكونوميكاعا قارسى ءىس-قيمىل شەڭبەرىندە جالعان شوت-فاكتۋرالاردى جازىپ بەرۋ فاك­تىلەرى بويىنشا انىقتالعان قىل­مىس­تاردىڭ سانى 2,5 ەسەگە ارتتى (2019 جىلدىڭ 6 ايىندا 94-تەن وسى جىل­دىڭ ۇقساس كەزەڭىندە 242-گە دەيىن).

اتالعان سالاداعى قىلمىستىڭ ۇيىمداسقان تۇرلەرىمەن كۇرەس بويىنشا بەلسەندى جۇمىس جالعاسۋدا. مىسالى اتىراۋ وبلىسىندا سوتقا ۇيىم­داسقان قىلمىستىق توپقا قا­تىس­تى قىلمىستىق ءىس جىبەرىلدى, ولار 1,8 ملرد تەڭگەگە جالعان شوت-فاك­تۋ­رالار شىعارعان.

قابىلدانعان شارالاردىڭ, ونىڭ ىشىندە زاڭنامالىق سيپاتتاعى ءىس-ارەكەتتەردىڭ ناتيجەسىندە قاراجاتتى قولما-قول اقشاعا اينالدىرۋ سوماسى بەس جىلدا العاش رەت 36%-عا تومەندەدى.

جۇمىستىڭ تاعى ءبىر ماڭىزدى باعىتى – مەملەكەتكە كەلتىرىلگەن ەكونوميكالىق زالالدى وتەۋ. ءبىرىنشى جارتىجىلدىقتا قارجى مونيتورينگى كوميتەتى 743 قىلمىستىق ءىستى تەرگەدى, ونىڭ 560-ى ءمانى بويىنشا سوتقا قاراۋعا جولداندى.

وسى قىلمىستىق ىستەر بويىنشا انىقتالعان زالال سوماسى 38,4 ملرد تەڭگەنى قۇرادى, ونىڭ شامامەن 32 ملرد تەڭگەسى مەملەكەتكە كەلتىرىلگەن زالال. مەملەكەت كىرىسىنە 21,1 ملرد تەڭگە وتەلدى, 9,6 ملرد تەڭگەلىك م ۇلىككە تىيىم سالىندى.

تاعى ءبىر باستى باعىت – قارجى پيراميدالارىمەن (29 قىلمىستىق ءىس تىركەلگەن), زاڭسىز ويىن مەكەمە­لەرىمەن (117 قىلمىستىق ءىس, 160 ورىن جو­يىلعان), سونداي-اق جالعان اقشا جا­ساۋمەن (161 ءىس) كۇرەس ماسەلەسى.

سونىمەن قاتار ءوز قاتارلارىندا سىبايلاس جەمقورلىق كورىنىستەرىنىڭ جولىن كەسۋ بويىنشا جۇمىس وزەكتى بولۋدا, ونى تۇراقتى فورماتتا جۇر­گىزۋ قاجەت.

كەڭەس قورىتىندىسى بويىنشا پرەزيدەنتتىڭ كومەكشىسى – قاۋىپ­سىزدىك كەڭەسىنىڭ حاتشىسى ءا.ءو.يسە­كەشەۆ ەلدەگى قالىپتاسقان الەۋمەتتىك-ەكونوميكالىق احۋال جاعدايىندا ەل باسشىلىعىنىڭ جوعارىدا اتالعان تاپسىرمالارىن ىسكە اسىرۋدى ەرەكشە باقىلاۋعا الۋ قاجەتتىگىن, بۇل رەتتە ادال كاسىپكەرلەردىڭ قۇقىقتارى مەن زاڭدى مۇددەلەرىنىڭ قاتاڭ ساقتالۋىن قامتاماسىز ەتۋ قاجەتتىگىن اتاپ ءوتتى.