ترامپ «تيكتوكقا» تىيىم سالدى

«تيكتوك ماسەلەسىنە كەلسەك, ءبىز ونى اقش اۋ­ما­عىندا قولدانۋعا تىيىم سالماقپىز», دەپ مالىمدەگەن د.ترامپ.

CNN ارناسىنىڭ حابارلاۋىنشا, اق ءۇي باس­شى­سى باعدارلامانى جابۋ ءۇشىن توتەنشە جاعداي كەزىندەگى ەكونوميكالىق ماسەلەدەگى قۇزىرەتىن پاي­دالانباق. رەسمي ۆاشينگتون اتالعان باعدار­لا­مانى قولدانۋشىلار دەرەكتەرىن قىتاي بيلىگىنە بەرىپ وتىرعانىن العا تارتادى. سونداي-اق جەكە مالىمەتتەرىنىڭ ساقتالۋ قاۋىپسىزدىگىنە, دەموكراتيالىق ەمەس قىتاي ۇكىمەتىنىڭ ونى ءتۇرلى ماقساتتا پايدالانۋ ىقتيمالدىعىنا الاڭدايدى.

«تيكتوك» ءتۇرلى ەففەكتىلەرمەن ارلەنگەن 15-60 سەكۋندتىق شاعىن ۆيدەونى بولىسۋگە ارنالعان الەۋمەتتىك جەلى. ول العاش 2016 جىلى Douyin دەگەن اتاۋمەن قىتايدا تارالعان. كەيىننەن سىرتقى نارىققا شىعىپ, 2018 جىلى Muscial.ly كومپانياسىمەن قوسىلعان سوڭ ونى قولدانۋشىلار سانى ارتا ءتۇستى. قازىرگى تاڭدا «تيكتوكتىڭ» 1,5 ميللياردقا جۋىق قولدانۋشىسى بار.