ومىرزاق شوكەەۆ: تۇركىستان تۇرعىندارى اۋىزسۋمەن تولىق قامتاماسىز ەتىلۋى ءتيىس

وبلىس ورتالىعىندا تۇراتىن 171 919 تۇرعىنعا تىرشىلىك ءنارى بىرەسەك-حانتاعى جانە مىرعالىمساي سۋ كوزدەرىنەن ماگيسترالدى سۋ قۇبىرى ارقىلى جەتكىزىلەدى. ۇزىندىعى – 37,2 شاقىرىم سۋاققىنىڭ جالپى قۋاتتىلىعى – تاۋلىگىنە 40 مىڭ تەكشە مەتر.

قۇرىلىسى جاڭادان سالىنىپ جاتقان اكىمشىلىك-ىسكەرلىك جانە مادەني-رۋحاني ورتالىعىنداعى نىسانداردى ۇزدىكسىز ساپالى اۋىزسۋمەن قامتاماسىز ەتۋ ءۇشىن, وبلىسى اكىمدىگى ءتيىستى مينيسترلىكتەرمەن بىرلەسە جول كارتاسىن ازىرلەگەن. جوبا بويىنشا قاشىقتىعى 45,9 شاقىرىم ماگيسترالدى سۋاققىنىڭ قۇرىلىسىن سالۋ جوسپارلانعان. قازىرگى تاڭدا ونىڭ 15,1 شاقىرىمى اياقتالدى. سونداي-اق, كەنتاۋ قالاسىنان تۇركىستان قالاسىنىڭ رەزەرۆۋارىنا دەيىن ماگيسترالدىق سۋ تارقىش سالۋ جوباسى ىسكە اسۋدا. وبلىس بيۋدجەتىنەن جۇزەگە اساتىن جوبا بويىنشا سىيىمدىلىعى 2ح10000 م3 توپتاماسى مەن ورانعاي, بىرەسەك, مىرعالىمساي سىرتقى سۋ جۇيەلەرىنىڭ قۇرىلىسى, 5 دانا سۋ ۇڭعىماسىن قازۋ جۇمىستارى  قارالعان. جۇمىس كەستەگە سايكەس جۇرۋدە.

وبلىس ورتالىعىن ورتالىقتاندىرىلعان اۋىزسۋ جۇيەلەرىمەن  قامتاماسىز ەتۋ جۇمىستارىن باقىلاپ, جاڭادان سالىنىپ جاتقان ماگيسترالدىڭ ساپاسىن تەكسەرگەن وبلىس اكىمى ومىرزاق شوكەەۆ جاۋاپتى سالا باسشىلارىنا تۇرعىنداردى تولىق تازا سۋمەن قامتاماسىز ەتۋدى تاپسىردى.