پاندەميا كەزىندە ەلگە كومەكتەسۋ ماقساتىندا Nur Otan پارتياسى تۇركىستان وبلىستىق فيليالىنىڭ ۇيىمداستىرۋىمەن ء"ومىر" جانە "شيپا" اتتى 2 جوبا باستالدى. جاڭا جوبانى پارتيانىڭ "Jas Otan" جاستار قاناتى جانە وبلىستىق "جاستار رەسۋرستىق ورتالىعى" جانىنان قۇرىلعان "Jas Turkistan" ەرىكتىلەر قوزعالىسى ۇيلەستىرىپ جۇرگىزەدى.
قازىر ەلىمىزدە تاپشى بولىپ وتىرعان وتتەگى اپپاراتتارىن شەت مەملەكەتتەردەن وڭىرىمىزدەگى ەمحانالارعا جەتكىزۋدى ماقسات ەتكەن ء«ومىر» جانە ورتا دەڭگەيدەگى ءدارى-دارمەكتەر قوراپشاسىن دايىنداپ, ونى اۋىل-اۋداندارداعى الەۋمەتتىك جاعدايى تومەن, از قامتىلعان كوپبالالى وتباسىلارعا تاراتۋ كوزدەلگەن «شيپا» جوبالارى رەسمي تۇردە جۇزەگە اسىرىلا باستادى. جوبالار اياسىندا قوعامدىق دەنساۋلىق باسقارماسىنا تۇركيادان اكەلىنگەن ەكى جاساندى تىنىس الۋ اپپاراتى ۇسىنىلسا, 20-دان استام ناۋقاسقا شالدىققان مۇقتاج وتباسىلارعا ءدارى-دارمەك تاپسىرىلدى. ەل جاناشىرلارى, وبلىستىق ماسليحاتتاعى Nur Otan پارتياسىنىڭ فراكتسيا وكىلدەرى مەن وزگە دە ازاماتتار قولداۋ كورسەتىپ, جوبالاردى جۇزەگە اسىرۋ ماقساتىنداعى قورعا 10 ميلليون تەڭگەدەن استام قارجى اۋدارعان. بۇل قارجىنىڭ ءبىر بولىگىنە تۇركيا جانە قىتاي ەلدەرىنە 50 جاساندى تىنىس الۋ اپپاراتىنا تاپسىرىس بەرىلىپ, ولار الداعى اپتادا وڭىرگە جەتكىزىلەدى. سونىمەن بىرگە ازىرگە 300 ءدارى-دارمەك قوراپشاسىن ەلگە تاراتۋ كوزدەلگەن. قوراپشا ىشىندە قوعامدىق دەنساۋلىق باسقارماسى تاراپىنان ۇسىنىلعان, قازىر بەلەڭ الىپ وتىرعان كوروناۆيرۋس پەن پنەۆمونيا سىرقاتتارىنىڭ الدىن الۋعا, ەمدەۋگە ارنالعان دارىلەر مەن قۇرالدار بار.
العاشقى ەكى جاساندى تىنىس الۋ اپپاراتىن الۋعا دەمەۋشىلىك كورسەتكەن Nur Otan پارتياسى وبلىستىق فيليالى توراعاسىنىڭ ءبىرىنشى ورىنباسارى بەيسەنباي تاجىباەۆ بۇل جوبالار وڭىردەگى جاس ەرىكتىلەردى يگى ىسكە جۇمىلدىرىپ وتىرعانىن جەتكىزدى. «قازىر تۇركىستان وبلىسىندا COVID-19 راستالعان ناۋقاستار سانى 2370-تەن استى. وكىنىشكە قاراي, جاساندى تىنىس الۋ اپپاراتتارى مەن ءدارى-دارمەك جەتىسپەۋشىلىگى دە بايقالىپ وتىر. سوندىقتان دا پارتيا باستاماسىمەن ءوڭىردىڭ بەلسەندى جاستارىنان «Jas Turkistan» ەرىكتىلەر قوزعالىسى قۇرىلىپ, وسى جوبالاردى ىسكە اسىرۋدى باستاپ كەتتى. جوبا اياسىنداعى جۇمىستار قوعامدىق دەنساۋلىق باسقارماسىمەن دە بىرلەسىپ اتقارىلادى. بۇل يگى باستاماعا پارتيا وكىلدەرى, ءماسليحات دەپۋتاتتارى قولداۋ كورسەتۋدە. پاندەميامەن كۇرەستە, مۇقتاج وتباسىلارعا كومەكتەسۋدە اتالعان جوبالار تيىمدىلىگىن كورسەتەدى دەپ سەنەمىن. وسى قيىن كەزەڭدە ەلگە كومەكتەسۋگە بارشا ازاماتتاردى اتسالىسۋعا شاقىرامىز», دەيدى ب.تاجىباەۆ.
سونداي-اق وڭىردە ەرىكتىلەر اۋرۋحانالارداعى ناۋقاستارعا ساۋمال مەن قىمىز جانە ازىق-ت ۇلىك جەتكىزۋدە. وبلىستىق «جاستار رەسۋرستىق ورتالىعىنىڭ» ديرەكتورى امالبەك ءومىرتاي مەن «Jas Otan» جاستار قاناتى وبلىستىق فيليالىنىڭ توراعاسى جانسەرىك جۇمان جوبالاردى جۇزەگە اسىرۋعا اۋىل-ايماقتارداعى جاستار دا ۇلەس قوساتىنىن, ساۋاپتى ءىس تۇتاس وبلىستى قامتيتىنىن جەتكىزدى.