ماقتاارالداعى سۋ باسقان فيردوۋسي اۋىلىن قالپىنا كەلتىرۋ جۇمىسى قارقىندى ءجۇرىپ جاتىر

ولاردىڭ بارلىعىنا ءبىرىنشى ترانش بويىنشا 17 ميلليون تەڭگەنىڭ 50%-ى اۋدارىلىپ, قازىرگى تاڭدا قۇرىلىس جۇمىستارى جاپپاي جۇرۋدە. سونداي-اق, ەكىنشى ترانش بويىنشا 2 ۇيگە جوعارىدا اتالعان قارجىنىڭ 25%-ى اۋدارىلعان. اۋدان اكىمدىگى ءباسپاسوز قىزمەتىنىڭ حابارلاۋىنشا, قازىرگى تاڭدا 266 ءۇيدىڭ ىرگەتاسى قالانىپ, 138 ءۇيدىڭ قابىرعاسى ورىلۋدە. سونىمەن قاتار, 19 ءۇيدىڭ شاتىرى جابىلعان. بۇدان بولەك, 36 ءۇيدىڭ قۇرىلىس الاڭى دايىندالىپ, قۇرىلىس جۇمىستارىن باستاۋ ءۇشىن رەتكە كەلتىرىلگەن. وسى ۋاقىتقا دەيىن اۋىلدا 314 ۇيگە بۇزۋ جۇمىستارى جاسالعان. جالپى اۋىلدا 1093 قۇرىلىسشى 24 ۇجىمعا بىرىگىپ, ەڭبەك ەتۋدە. بۇعان دەيىن وزبەكستان رەسپۋبليكاسى تاراپىنان فيردوۋسيلىقتارعا ۇيلەردى بۇزۋ ءۇشىن ارنايى تەحنيكالار كومەك بەرگەن بولاتىن.

ايتا كەتەيىك, فيردوۋسي اۋىلى 1981 جىلى قۇرىلعان. ەلدى مەكەننىڭ جەر كولەمى 1357 گەكتاردى, ونىڭ ىشىندە ەگىستىك جەردىڭ كولەمى 1279 گەكتاردى قۇرايدى, 2377 تۇرعىن تۇرادى. اۋىلدا مەكتەپ, بالاباقشا, مەديتسينا پۋنكتى بار. سونىمەن قاتار, 182 شارۋا قوجالىعى, 2 مال بورداقىلاۋ الاڭى, 2 ساۋدا نۇكتەسى, ماقتا ءتۇتۋ تسەحى مەن ديىرمەن جۇمىس ىستەيدى.