• RUB:
    6.68
  • USD:
    520.93
  • EUR:
    609.07
باستى سايتقا ءوتۋ
ايماقتار 15 شىلدە, 2020

سايرامدىق كاسىپكەرلەر اۋرۋحاناعا تىنىس الۋ قۇرىلعىلارىن تارتۋ ەتتى

213 رەت
كورسەتىلدى

تۇركىستان وبلىسى سايرام اۋدانىنىڭكاسىپكەرلەرى 5 ملن تەڭگە كولەمىندە قارجى جيناپ, ونىڭ 3,5 ملن تەڭگەسىنە 19 "بوبروۆ" مەديتسينالىق تىنىس الۋ قۇرىلعىلارىن ساتىپ العان.

وكپە قابىنۋىنا, كوروناۆيرۋس ىندەتىنە شالدىققان ناۋقاستارعا اسا قاجەتتى قۇرىلعىلار اۋداندىق ورتالىق اۋرۋحانالارعا ورناتىلدى.

ەرىكتىلەر قاجەتتى مەديتسينالىق قۇرىلعىلاردى الماتى قالاسىنان الىپ كەلگەن. سونداي-اق, وتتەگى باللوندارىن تولتىرۋ جۇمىستارىنا دا اتسالىسۋدا. كاسىپكەرلەر دەمەۋشىلىگىنەن ارتىلعان قاراجاتقا اۋرۋحاناعا ازىق-ت ۇلىك الىندى. سەبەبى, وندا ەمدەلۋشىلەرمەن قاتار, قاۋىپتى دەرتتى ەمدەيتىن مەديتسينا قىزمەتكەرلەرى دە 14 كۇنگە دەيىن ۇيىنەن وقشاۋلانىپ, قىزمەت كورسەتىپ كەلەدى.

ايتا كەتەيىك, سايرام اۋدانى بويىنشا اقسۋكەنت جانە قارابۇلاق ورتالىق اۋرۋحانالارىندا 87 توسەك-ورىن بار. قوسىمشا قارابۇلاق اۋىلىنداعى "ساپا" جەكەمەنشىك مەديتسينالىق ورتالىعىنان تاعى 30 ورىن اشىلعان.

سوڭعى جاڭالىقتار