قارابالىق اۋدانىندا تالدى اۋىلىنىڭ ماڭىنداعى ورماندى القاپ ورتەندى. قىزىل جالىن 13,3 گا قۇرعاق ءشوپ پەن 3,6 گا ورمان اعاشىن شارپىعان, - دەپ حابارلايدى Egemen.kz.
مامانداردىڭ ايتۋىنشا, ءورتتىڭ شىعۋ سەبەبى وتتى ابايسىز پايدالانۋدان بولعان.
"قازىر ءورت ءسوندىرۋ جۇمىستارىمەن ميحايلوۆ ورمان شارۋاشىلىعىنىڭ 18 قىزمەتكەرى جانە 9 تەحنيكاسى, سونداي-اق "توعىزباي-اگرو" سەرىكتەستىگىنىڭ ەرىكتى ءورت ءسوندىرۋ قۇرىلىمدارى اينالىسىپ جاتىر. باستىسى, ءورتتىڭ تارالۋ قاۋپى جويىلدى. قۇربان بولعاندار مەن زارداپ شەككەندەر جوق", - دەپ حابارلادى وبلىستىق توتەنشە جاعداي دەپارتامەنتىنىڭ ءباسپاسوز قىزمەتى.
دەپارتامەنت ماماندارى تۇرعىنداردى قاراپايىم ءورت قاۋىپسىزدىگى ەرەجەلەرىن ساقتاۋعا شاقىرادى.
قوستاناي وبلىسى