بۇگىن ليۆيا استاناسى تريپوليدە بەلگىسىز بىرەۋلەر ليۆيا پرەمەر-ءمينيسترى الي زەيداندى ۇرلاپ اكەتتى. بۇل تۋرالى «سكاي نيۋس – ارابيا» تەلەارناسىنىڭ بەرگەن اقپارىنا سىلتەمە جاساعان يتار-تاسس حابارلادى.
ليۆيا ۇكىمەتى پرەمەر-ءمينيستردىڭ ۇرلانعانى جونىندەگى دەرەكتى راستادى.
كەلىپ تۇسكەن اقپار بويىنشا, قارۋلانعان ادامدار تريپوليدەگى ۇكىمەت باسشىسىنىڭ شتاب-پاتەرىنە باسىپ كىرگەن. سودان ولار الي زەيداندى قارۋمەن قورقىتۋ ارقىلى وزدەرىنىڭ كولىكتەرىنە وتىرعىزىپ, ىزدەرىن جاسىرىپ ۇلگەرگەن. ازىرگە بۇل قىلمىستىڭ ارتىندا كىم تۇرعانى بەلگىسىز.
ايدار ورىساەۆ.