وڭتۇستىك قازاقستاننىڭ سارىاعاشىندا ەستىگەن ادامنىڭ جاعاسىن ۇستاتاتىن سۇمدىق وقيعا بولدى. جاستارى جيىرمادان جاڭا اسقان ورىمدەي ورەندەر وزدەرىنەن كوپ ۇلكەن ءبىر جۇرگىزۋشى كىسىنى تەپكىلەپ ءولتىردى. بۇل تۋرالى «7 ارنا» حابارلادى.
وڭتۇستىك قازاقستاننىڭ سارىاعاشىندا ەستىگەن ادامنىڭ جاعاسىن ۇستاتاتىن سۇمدىق وقيعا بولدى. جاستارى جيىرمادان جاڭا اسقان ورىمدەي ورەندەر وزدەرىنەن كوپ ۇلكەن ءبىر جۇرگىزۋشى كىسىنى تەپكىلەپ ءولتىردى. بۇل تۋرالى «7 ارنا» حابارلادى.
كوشە بويىمەن ورلەپ كەلە جاتقان جۇگەنسىز جاستار توبىنا ءبىر قيىلىستا الگىندەگى كولىك يەسى كەزىگە قالادى. وسى جەردەن بۇرىلا بەرگەن جۇرگىزۋشى الگىلەردىڭ ءبىرىنىڭ اياعىن باسىپ كەتىپتى. سول-اق ەكەن, ءىشىپ العان جاستار دەرەۋ جول پوليتسياسىنا حابار بەرۋدىڭ ورنىنا, جۇرگىزۋشىگە تاپ بەرىپ, ونى جابىلىپ ۇرىپ تاستايدى.
وسى سوققىلاردان العان جاراقاتى سالدارىنان كولىك يەسى اۋرۋحاناعا جاتقىزىلادى. بىراق ەسىن جيا الماعان 50 جاسار ازامات سول جەردە ءجانتاسىلىم ەتەدى.
«قايتىس بولعان كىسى سول كۇنى كەشكە ۆاز كولىگىن جۇرگىزىپ كەلە جاتادى. كۇدىكتىلەر ونى جەرگە جاتقىزىپ الىپ, اياقتارىمەن دە, قولدارىمەن دە اياۋسىز سوققىلايدى. ونىڭ دەنەسىندە ساۋ-تامتىق قالماپتى. باسى مەن كەۋدەسى جانشىلىپ كەتكەن. شاماسى, وسى العان جاراقاتتارىنان قايتىس بولعان سياقتى. ونى ەندى سوت-مەديتسينالىق ساراپتاماسى انىقتايدى», دەدى سارىاعاش اۋداندىق ىشكى ىستەر ءبولىمى باستىعىنىڭ ورىنباسارى اسقار ەشانقۇلوۆ.
قازىر كۇدىكتىلەر تۇگەل ۇستالىپ, جاۋاپ بەرۋدە. سول كۇنى كەشكە ولار ۇيلەرىنە ءىشىپ الىپ كەلە جاتىر ەكەن. ەندى ۇستەرىنەن «كىسى ءولىمى» بابى بويىنشا قىلمىستىق ءىس قوزعالدى.
ساكەن مايلىباي.