جىلىنا قۋاتتىلىعى 240 ميلليون ينكۋباتسيالىق جۇمىرتقا شىعاراتىن "Aitas KZ" اق اسىل تۇقىمدى قۇس شارۋاشىلىعى رەپرودۋكتورى ينكۋباتسيالىق جۇمىرتقا ءوندىرىسى بويىنشا تمد-داعى ەڭ ۇلكەن جوبا بولماق, - دەپ حابارلايدى Egemen.kz.
قۇس ەتىنە سۇرانىس جىلدان جىلعا ارتىپ كەلەدى. ماسەلەن, 2019 جىلى قازاقستاندا قۇس ەتىن تۇتىنۋ دەڭگەيى – 373 000 توننا بولعان. 2020 جىلى بۇل كورسەتكىشتىڭ 395 000 تونناعا جەتەتىنى بولجانىپ وتىر.
اتاپ وتەرلىگى, برويلەر بالاپانداردىڭ بولاشاق بۋىنىنىڭ بالاپاندارى قۇس فابريكاسىنداعى ينكۋباتسيالىق جۇمىرتقالاردان شىعادى. تۇسىندىرە كەتەر بولساق, ينكۋباتسيالىق جۇمىرتقا – قۇستىڭ ومىرشەڭ تۇقىمىن الۋ ماقساتىندا شىعارىلاتىن تاۋىقتىڭ جۇمىرتقاسى.
2020 جىلدىڭ ماۋسىم ايىندا "Aitas KZ" اق-نىڭ الماتى وبلىسىنداعى قۇس فابريكاسىن يەمدەنۋىنە قاتىستى "Nauryz Agro" جشس-مەن كەلىسىمى اياقتالدى.
الماتى وبلىسىنداعى قۇس فابريكاسىن الۋ – "Aitas KZ" اق-نىڭ قۇس فابريكالارى ءۇشىن ينكۋباتسيالىق جۇمىرتقانى ءوندىرۋ بويىنشا اسىل تۇقىمدى قۇس شارۋاشىلىعى رەپرودۋكتورى جوباسىن جۇزەگە اسىرۋعا مۇمكىندىك بەرەدى.
"Aitas KZ" اق اسىل تۇقىمدى قۇس شارۋاشىلىعى رەپرودۋكتورى تمد-داعى قۋاتتىلىعى جىلىنا 240 ميلليون ينكۋباتسيالىق جۇمىرتقا وندىرەتىن ەڭ ۇلكەن جوبا بولادى. ءارى دامۋ ستراتەگياسىن ەسەپكە الا وتىرىپ, قۇس شارۋاشىلىعى باعىتىنداعى توپتىڭ قاجەتتىگىن جابۋعا جول اشادى.
"Aitas KZ" اق حولدينگىنىڭ قۇرامىندا "كۋس&ۆكۋس" برەندىمەن ءونىم شىعاراتىن وسكەمەن (وقف) جانە ماكينسكتەگى قۇس فابريكالارى (مقف) جۇمىس ىستەپ تۇر. سونىمەن بىرگە مقف-نىڭ ينكۋباتسيالىق جۇمىرتقاعا قاجەتتىگى الىس شەتەلدەگى ەلدەردەن كەلەتىن يمپورت ارقىلى قامتاماسىز ەتىلەدى. ال وقف-تاعى ينكۋباتسيالىق جۇمىرتقالار كولەمى ەكى فابريكانى قامتۋعا جەتپەيدى.
ء"بىز قورشاعان ورتانى جاقسى جاققا وزگەرتۋ ءۇشىن بيزنەستى وركەندەتە جۇمىس جۇرگىزەمىز. ءبىزدىڭ تۇتىنۋشىلاردىڭ, قىزمەتكەرلەردىڭ, سەرىكتەستەردىڭ مۇددەسى – مىنە, ءبىزدىڭ كۇندەلىكتى جۇمىسىمىزدىڭ باعىت-باعدارى وسى. كۇن سايىن ءجۇز مىڭداعان ادامنىڭ ءومىرىن قالاي جاقسارتامىز دەگەن ويدا جۇرەمىز. بۇل كەلىسىمنىڭ ءساتتى جاسالعانىنا وتە قۋانىشتىمىز. وسىنىڭ ناتيجەسىندە قىسقا مەرزىمنىڭ ىشىندە قۇس شارۋاشىلىعى باعىتىن وزىندىك جەكە وندىرىسىمىزدەگى ينكۋباتسيالىق جۇمىرتقامەن قامتاماسىز ەتە الامىز", - دەپ اتاپ ءوتتى ءوز سوزىندە "Aitas KZ" اق باس ديرەكتورى سەرىك تولىقپاەۆ.
جەكە ينكۋباتسيالىق جۇمىرتقا وزىندىك قۇندى تومەندەتىپ, ءوندىرىستىڭ تيىمدىلىگىن ارتتىرادى. ودان بولەك جەكە ءوندىرىس ۆاليۋتالىق تاۋەكەلدەردى, تاسىمالدىڭ توقتاپ قالۋىن اينالىپ ءوتىپ, بيوقاۋىپسىزدىكتى قامتاماسىز ەتەدى.
"Aitas KZ" اق-نىڭ ينكۋباتسيالىق جۇمىرتقا ءوندىرىسى بويىنشا الماتى قۇس فابريكاسى جەرگىلىكتى حالىق ءۇشىن جاڭا جۇمىس ورىندارىن قۇرىپ, ايماقتاعى اۋىل شارۋاشىلىعىن دامىتۋعا سەرپىن بەرەدى.