تەمىرجول اۋىلدىق وكرۋگى بولىمشەسىنە كەشەندى بلوك مودۋل ورناتىلدى, دەپ حابارلايدى pavlodarnews.kz.
اۋىز سۋ ماسەلەسىن بولىمشە تۇرعىندارى 2019 جىلدىڭ جەلتوقسان ايىندا قالا اكىمى ەرجان يمانزايپوۆتىڭ ازاماتتاردى كوشپەلى قابىلداۋىندا كوتەرگەن. سول كەزدە اكىم ۇڭعىمانى قاراپ شىعىپ, اۋىل تۇرعىندارىنا 2020 جىلدىڭ ءبىرىنشى توقسانىندا كەشەندى بلوك-مودۋل ورناتىلاتىنىنا ۋادە بەرگەن.
وسىلايشا ۇڭعىمانىڭ بۇرىنعى ورنىنا مەردىگەر ۇيىم "گۋرين" جك قۇنى 4 ملن 300 مىڭ تەڭگە تۇراتىن كەشەندى بلوك مودۋل ورناتتى.
تەمىرجول اۋىلدىق وكرۋگىنىڭ اكىمى ەرلان قاسەناليننىڭ ايتۋىنشا, بۇرىن تۇرعىندار ورتالىق قۇلاكول اۋىلىنان سۋ تاسىمالداعان.
ۇڭعىمادان ىشۋگە جارامسىز تەحنيكالىق سۋ اققان.
"قازىر سۋ تازا, بارلىق جابدىقتار جاڭادان ورناتىلدى. تازالاۋ ءۋلترافيلتردى قولدانۋدىڭ ارقاسىندا سۋدان زياندى زاتتار جويىلادى", - دەيدى وكرۋگ اكىمى ەرلان قاسەنالين.
اۋىل تۇرعىنى رىمكەش مۇسابەكوۆا العىسىن ءبىلدىردى.
ء"بىز سۋدى ورتالىقتان تاسۋدان شارشادىق", - دەيدى رىمكەش مۇسابەكوۆا. - اسىرەسە ءوز كولىگى جوق ادامدارعا قيىن بولاتىن. وتە قۋانىشتىمىز جانە سۋدىڭ ساپاسىنا ريزامىز.
قالا باسشىلىعىنىڭ اتىنان اۋىلدىق بلوك-ءمودۋلدىڭ اشىلۋىمەن قۇتتىقتاعان قالا اكىمىنىڭ ورىنباسارى باۋىرجان احمەتوۆ سۋدىڭ ساپاسىنا جوعارى باعا بەردى.