ءمامس: جۇكتى ايەلدەر قانداي كەسەلدەرگە قىمبات سكرينينگتەردى تەگىن جاساتا الادى؟

سوندىقتان دا ءمامس پاكەتىندەگى كەڭەس بەرۋ مەن دياگنوستيكانىڭ تەگىن 14 ءتۇرىنىڭ ىشىندە بۇل ماسەلە قاراستىرىلعان.

قازىرگى تاڭدا ەلىمىزدە بالا تابا الاتىن جاستاعى (ياعني, جۇكتىلىك ءۇشىن ەڭ قولايلى) ايەلدەردىڭ دەنساۋلىعىنىڭ جاي-كۇيى تۋرالى ستاتيستيكا جاھاندىق پروتسەستەرگە سايكەس كەلەتىندىگىن كورسەتەدى.مىسالى, تۇسىك جاساتۋ 10 جىلدان بەرى ازايىپ كەلەدى: 2010 جىلى مىڭ ايەلگە شاققانداعى 23 جاعدايدان 2018 جىلى 15,2 جاعدايعا تومەندەگەن.

شىعىس ەۋروپا ەلدەرىندەگى جانە رەسەيدەگى سياقتى جۇكتى ايەلدەر جىلدان جىلعا كلينيكالارعا ۋاقتىلى تىركەلۋگە جاۋاپكەرشىلىكپەن قارايدى: ەگەر 2005 جىلى 28% دەرلىك كەش تىركەلسە, 2018 جىلى بۇل كورسەتكىش 15% دەيىن تومەندەدى.

جۇكتى ايەلدەر مەملەكەت ءمامس جۇيەسىنە ساقتاندىرۋعا اۋدارىم جاسايتىن ازاماتتاردىڭ 15 جەڭىلدىك ساناتىنا ەنەدى.

دەمەك, بولاشاق انالارعا مەديتسينالىق-گەنەتيكالىق قىزمەتتەردىڭ قۇنى تۋرالى الاڭداۋدىڭ قاجەتى جوق. اياعى اۋىر ايەلدەرگە تۇقىم قۋالايتىن كەسەلدەردى انىقتاۋ ءۇشىن ەڭ قىمبات سكرينينگتەر مەن گەنەتيكالىق سىناقتاردى قوسا العاندا اقىسىز قىزمەت كورسەتىلەدى. مىسالى, ءمامس پاكەتىنە ايەلدەردىڭ قاتەرلى ىسىك اۋرۋىن انىقتاۋعا كومەكتەسەتىن فيش-ءادىسى سياقتى زاماناۋي مولەكۋليارلى تسيتوگەنەتيكالىق زەرتتەۋ ءتۇرى كىرەدى.

جادىنامادا ءمامس پاكەتىندە الۋعا بولاتىن تەگىن مەديتسينالىق- گەنەتيكالىق قىزمەتتەردىڭ تولىق ءتىزىمى جيناقتالعان.

سوندىقتان, جۇكتى كەلىنشەكتەرگە قوسىمشا اقپارات الۋعا بولاتىن مەديتسينالىق ساقتاندىرۋ قورى بايلانىس ورتالىعىنىڭ 1406 نومەرلى تەلەفونىن ساقتاپ قويعانى ابزال.