"تاليبان" راديكالدىق ۇيىمى 14 اۋعان تۇتقىنىن بوساتتى, دەپ مالىمدەدى كاتارداعى قوزعالىس ساياسي كەڭسەسىنىڭ وكىلى سۋحەيل شاحين. بۇل تۋرالى ريا نوۆوستي-گە سىلتەمە جاساي وتىرىپ Egemen.kz حابارلايدى.
"كابۋل اكىمشىلىگىنىڭ 14 ساربازى مەن پوليتسياسىنىڭ تاعى ءبىر توبى لوگار, نانگارحار جانە نۋريستان پروۆينتسيالارىنداعى يسلام ەميراتىنىڭ تۇرمەلەرىنەن بوساتىلىپ, ولاردىڭ وتباسىلارىنا جىبەرىلدى", دەپ جازدى س.شاحين ءوزىنىڭ Twitter پاراقشاسىندا.
بۇعان دەيىن اۋعانستان ۇلتتىق قاۋىپسىزدىك كەڭەسىنىڭ وكىلى دجاۆيد فەيسال ۇكىمەتتىڭ كەمىندە 3 مىڭ تۇتقىندى بوساتقانىن مالىمدەدى. وسىعان سايكەس "تاليبان" اۋعان بيلىگىنەن اقش-پەن جاسالعان كەلىسىم نەگىزىندە تاعى دا 5 مىڭ تۇتقىندى بوساتۋدى تالاپ ەتىپ وتىر.
اقپان ايىنىڭ سوڭىنا قاراي, كاتاردا وتكەن سالتاناتتا امەريكا قۇراما شتاتتارى مەن تاليبان 19 جىلعا سوزىلعان سوعىستىڭ العاشقى بەيبىت كەلىسىمىنە قول قويدى. وندا شەت ەلدىك اسكەري كۇشتەردىڭ اۋعانستاننان 14 اي ىشىندە شىعارىلۋى جانە تۇتقىندارمەن الماسۋ كەلىسىمىنەن كەيىن اۋعانارالىق ديالوگتىڭ باستالۋى قاراستىرىلعان.