«ادالدىق الاڭى» جوبالىق كەڭسەلەرىنىڭ بارلىق باسشىلارى سىبايلاس جەمقورلىققا قارسى ءىس-قيمىل ماسەلەلەرى بويىنشا وڭىرلەر اكىمدەرىنىڭ شتاتتان تىس كەڭەسشىسى بولىپ تاعايىندالدى. بۇل تۋرالى سىبايلاس جەمقورلىققا قارسى ءىس-قيمىل اگەنتتىگىنىڭ ءباسپاسوز قىزمەتى حابارلادى, - دەپ جازادى Egemen.kz
بۇگىنگى تاڭدا مەملەكەت باسشىسىنىڭ جولداۋىن ورىنداۋ ماقساتىندا ەلىمىزدىڭ بارلىق وڭىرلەرىندە تۇرمىستىق سىبايلاس جەمقورلىقتى جويۋعا باعىتتالعان "ادالدىق الاڭى" جوباسى ىسكە اسىرىلۋدا.
جوبانىڭ تۇجىرىمدامالىق نەگىزى مەملەكەتتىك قىزمەتتەردى الۋ كەزىندە ازاماتتار ءۇشىن قولايلى جاعدايلار جاساۋ جانە پاراساتتىلىق مادەنيەتىن ىلگەرىلەتۋ كونتەكستىندە قوعامدىق باقىلاۋدى پارمەندى ىسكە اسىرۋدى قامتاماسىز ەتۋ بولىپ بەلگىلەندى.
وڭىرلىك جوبالارعا باسشىلىق جاساۋدى قوعام وكىلدەرى اكىمدىكتەرمەن جانە اگەنتتىكتىڭ اۋماقتىق دەپارتامەنتتەرىمەن تىعىز ءوزارا ءىس-قيمىلدا جۇزەگە اسىراتىنىن اتاپ وتكەن ءجون.
جوبالىق كەڭسەنىڭ قۇندىلىقتارىن ىلگەرىلەتۋ جانە حالىق ماسەلەلەرىن جەدەل شەشۋ ءۇشىن وڭىرلىك جوبالىق كەڭسەلەردىڭ باسشىلارى سىبايلاس جەمقورلىققا قارسى ءىس-قيمىل ماسەلەلەرى بويىنشا وبلىستار, نۇر-سۇلتان, الماتى جانە شىمكەنت قالالارى اكىمدەرىنىڭ شتاتتان تىس كەڭەسشىسى بولىپ تاعايىندالدى.
جاۋاپتى تۇلعالاردى بەكىتۋ جولىمەن سىبايلاس جەمقورلىققا قارسى ءىس-قيمىل ماسەلەلەرىن كۇشەيتۋ بويىنشا وسىنداي جۇمىس اۋداندىق دەڭگەيدە جۇرگىزىلۋدە.
بۇل ءتاسىل مەملەكەتتىك ورگاندار تاراپىنان سىبايلاس جەمقورلىققا قارسى ءىس-قيمىل ماسەلەلەرىنە, قوعامدا پاراساتتىلىقتى قالىپتاستىرۋعا, سونداي-اق جوبالىق باسقارۋ قاعيداتتارىنا سايكەس كەلەتىن الەۋمەتتىك سيپاتتاعى ماسەلەلەردى شەشۋگە ەرەكشە نازار اۋدارۋعا مۇمكىندىك بەرەدى.