سىر بويىنىڭ برەندى سانالاتىن كۇرىشكە شەتەلدەر تاراپىنان دا سۇرانىس جوعارى. "ابزال جانە كومپانيا" تولىق سەرىكتەستىگىنىڭ "ەليتا" برەندى رەسەي, قىرعىزستان, ازەربايجان, تۇركىمەنستان, ۋكراينا, تاجىكستان, موڭعوليا مەن اۋعانستانعا ەكسپورتتالادى, - دەپ حابارلايدى Egemen.kz.
"اباي داۋلەت" جاۋاپكەرشىلىگى شەكتەۋلى سەرىكتەستىگىنىڭ كۇرىش زاۋىتى ايماقتاعى ءىرى ءوندىرىس ورنىنىڭ ءبىرى سانالادى. كورەي تەحنولوگياسىمەن جابدىقتالعان كاسىپورىن شىعارعان ءونىمنىڭ 60پروتسەنتى سىرتقا جىبەرىلەدى.
ايتا كەتۋ كەرەك, وبلىستا سىر سالىسىن جاڭا تەحنولوگيامەن وڭدەۋ جۇمىستارى دا جۇيەلى جولعا قويىلعان. وسى باعىتتا ايماقتا 45 ءىرى جانە 29 كىشى زاۋىت جۇمىس ىستەيدى. ونىڭ 27-ءى حالىقارالىق ستاندارتقا ساي. بۇگىندە وسى كاسىپورىندار 408,5 مىڭ توننا ءونىم ءوندىرىپ, كورسەتكىش وتكەن جىلعى وسى كەزەڭىمەن سالىستىرعاندا ەكى ەسەگە وسكەن. ال جالپى كۇرىش ەكسپورتى كولەمى 31 % ۇلعايعان.