جاقىندا اياگوز قالاسىندا بولعانىمىزدا ورتالىق الاڭعا ماحابباتتىڭ سيمۆولى – قوزى كورپەش-بايان سۇلۋعا ەڭسەلى ەسكەرتكىش قويىلعانىن كوردىك. ەسكەرتكىشتىڭ ەتەگى گۇلگە تولى ەكەن. سوعان قاراعاندا, مۇندا جاستار, اسىرەسە, جاس جۇبايلار ءجيى كەلەتىن سياقتى.
جاقىندا اياگوز قالاسىندا بولعانىمىزدا ورتالىق الاڭعا ماحابباتتىڭ سيمۆولى – قوزى كورپەش-بايان سۇلۋعا ەڭسەلى ەسكەرتكىش قويىلعانىن كوردىك. ەسكەرتكىشتىڭ ەتەگى گۇلگە تولى ەكەن. سوعان قاراعاندا, مۇندا جاستار, اسىرەسە, جاس جۇبايلار ءجيى كەلەتىن سياقتى.
– ەسكەرتكىشتىڭ ورتالىق الاڭدا قويىلۋىندا جاستارعا ءتاربيە بەرەتىندەي ۇلكەن ءمان بار, – دەيدى اياگوز اۋدانىنىڭ اكىمى نۇربول نۇرعاليەۆ بىزبەن اڭگىمەسىندە. – قوزى كورپەش-بايان سۇلۋ اتىنداعى مادەنيەت ءۇيى ەسكەرتكىش ورناتىلعان جەردەن الىس ەمەس. وعان جوندەۋ جۇمىستارى ءجۇرىپ جاتىر. قالانىڭ ورتالىق الاڭىنىڭ دا كۇردەلى جوندەۋدەن ءوتىپ جاتقانىن كورىپ تۇرسىزدار. اياگوز توعىز جولدىڭ تورابىندا ورنالاسقاندىقتان كەلەتىن قوناقتار الدىندا ءجۇزىمىز جارقىن بولسىن دەگەن نيەتپەن باسقا دا مادەني شارالار جۇزەگە اسىرىلۋدا.
قازىر اياگوز قالاسىندا 38 مىڭ, اۋداندا 70 مىڭنان استام تۇرعىن بار. اۋداننىڭ ەكونوميكاسى ءوركەندەپ كەلەدى. جىل باسىنان بەرى 3 ميلليارد 123,9 ميلليون تەڭگەنىڭ ونەركاسىپ ونىمدەرى شىعارىلدى. قۇرىلىسى قارقىندى سالىنىپ جاتقان اقتوعاي كەن-بايىتۋ كومبيناتى ەكى جىلدان كەيىن ىسكە قوسىلىپ, وندا وڭىردە تۇراتىن ءبىر جارىم مىڭ ادام جۇمىسپەن قامتاماسىز ەتىلمەك.
وڭداسىن ەلۋباي,
«ەگەمەن قازاقستان».
شىعىس قازاقستان وبلىسى.
اياگوز اۋدانى.
––––––––––––––––
سۋرەتتى تۇسىرگەن اۆتور.