قازاقستان استرونومدارى وسىنداي وبسەرۆاتوريا جاساۋعا قاتىسادى
قازاقستان استرونومدارى بۇكىلالەمدىك اسپان كەڭىستىگىندەگى كۇڭگىرت ماتەريالاردى زەرتتەۋ جونىندەگى «ۋلترافيولەت» عارىشتىق وبسەرۆاتورياسى قولعا العان حالىقارالىق عاجايىپ جوباعا قاتىسۋعا شەشىم قابىلدادى. بۇل تۋرالى «مەگاپوليس» گازەتى جازدى.
قازاقستان استرونومدارى وسىنداي وبسەرۆاتوريا جاساۋعا قاتىسادى
قازاقستان استرونومدارى بۇكىلالەمدىك اسپان كەڭىستىگىندەگى كۇڭگىرت ماتەريالاردى زەرتتەۋ جونىندەگى «ۋلترافيولەت» عارىشتىق وبسەرۆاتورياسى قولعا العان حالىقارالىق عاجايىپ جوباعا قاتىسۋعا شەشىم قابىلدادى. بۇل تۋرالى «مەگاپوليس» گازەتى جازدى.
قازىر كۇڭگىرت ماتەريالار مەن كۇڭگىرت ەنەرگيانىڭ اشىلۋى اسپان كەڭىستىگى جونىندەگى بۇرىنعى ۇعىمداردى كۇرت وزگەرتىپ جىبەردى. ەندى وزىندىك وربيتالىق ۋلتراكۇلگىن تەلەسكوپتى جاساۋعا قاتىسۋى ارقاسىندا قازاقستان وسى ماسەلەنىڭ زەرتتەلۋىنە وراسان زور ۇلەس قوساتىن بولادى. اسپان الەمىن باقىلايتىن جاڭا جابدىقتىڭ قۇرىلىسى قازىر ماسكەۋدەگى لاۆوچكين اتىنداعى عىلىمي-وندىرىستىك بىرلەستىگىندە ءجۇرىپ جاتىر. ونى وربيتاعا شىعارۋ 2015 جىلعا بەلگىلەنگەن.
«جوبانىڭ ماڭىزى وربيتالىق Hablle تەلەسكوپىن ۇشىرۋمەن بىردەي. تەلەسكوپ ۋلتراكۇلگىن دياپازوندا ىستىق جۇلدىزداردى, ولاردىڭ تۋ پروتسەستەرىن باقىلاۋعا مۇمكىندىك بەرەدى. ەڭ باستىسى, ول قازىرگى زامانعى عىلىم ءۇشىن ايرىقشا ماڭىزدى بولىپ وتىرعان كۇڭگىرت ەنەرگيا مەن كۇڭگىرت ماتەرياعا بايلانىستى مىندەتتەردى شەشەدى», – دەيدى عارىشتىق زەرتتەۋلەر مەن تەحنولوگيالار ۇلتتىق ورتالىعى ۆاسيلي فەسەنكوۆ اتىنداعى استروفيزيكا ينستيتۋتىنىڭ (افيف) ديرەكتورى شىڭعىس وماروۆ.
اتالمىش جوبانى قارجىلاندىرۋعا رەسەي, يسپانيا, گەرمانيا جانە قىتاي ەلدەرى تارتىلعان. «ءبىز رەسەي اكادەمياسى استرونوميا ينستيتۋتىنداعى ارىپتەستەرىمىزبەن بىرنەشە كەزدەسۋ وتكىزىپ, وسى تەلەسكوپ ءۇشىن ءوز باقىلاۋلارىمىزدىڭ عىلىمي باعدارلاماسىن ۇسىنامىز», – دەدى تاعى وماروۆ.
قازاقستان اتالمىش تەلەسكوپتى سالۋعا قاتىسۋمەن بىرگە, بۇدان باسقا تاعى ەكى حالىقارالىق عىلىمي جوباعا اتسالىسادى. ولاردىڭ ەكەۋى بەلگيا جانە وڭتۇستىك كورەيا ەلدەرىنىڭ قاتىسۋلارىمەن جۇزەگە اسادى. ءبىزدىڭ ەلىمىزدىڭ استرونومدارى سونداي-اق, كورەيالىق ارىپتەستەرىمەن ديامەترى 50 سانتيمەترلىك اۆتوماتتاندىرىلعان تەلەسكوپ قۇرىلىسىن سالۋعا كەلىسىم جاساستى. ول موڭعوليا, وڭتۇستىك افريكا, اۆستراليا جانە تۇركيا اۋماقتارىنداعى وسىنداي تەلەسكوپتارمەن بايلانىستا جۇمىس جاسايتىن بولادى. عالىمدار مۇنداي جۇمىس جۇيەسىنىڭ تۇنگى اسپاننىڭ بارلىق اۋماعىن قامتىپ, كەز كەلگەن نىساندى ۇزدىكسىز باقىلاۋعا الۋعا مۇمكىندىك بەرەتىنىن ايتىپ وتىر.
مۇرات ايتقوجا.