2020 جىلدىڭ 1 ماۋسىمىنان باستاپ كارانتين شارالارىنىڭ باسەڭدەۋىنە بايلانىستى قالاارالىق جول قاتىناستارى جاندانادى, سونىڭ ىشىندە پوەزدار جۇرە باستايدى. بيلەتتەردى ساتۋ 15 مامىردان قولعا الىنعان بولاتىن. سوندىقتان الماتى-1 جانە الماتى-2 تەمىرجول ۆوكزالدارى جۇمىستارىن باستايدى.
ايتا كەتەرلىگى, كوروناۆيرۋس پاندەمياسى جاعدايىندا «الماتىەلەكتروترانس» جشس سانيتارلىق قاۋىپسىزدىكتىڭ بارلىق شارالارىن قاتاڭ ساقتاۋدى نەگىزگە الىپ وتىر.
وسى رەتتە ازاماتتار قانداي تالاپتاردى ۇستانعان ءجون؟
-كوروناۆيرۋس پاندەمياسى بارىسىندا تەمىرجول ۆوكزالدارى قالاي جۇمىس ىستەيتىن بولادى؟
-كولىكتەگى سانيتارلىق نورمالاردىڭ بارلىعى ساقتالادى. ۆوكزالعا كىرەبەرىستە تەپلوۆيزوردىڭ كومەگىمەن جولاۋشىلاردىڭ تەمپەراتۋراسى ولشەنەدى. ۆوكزالعا تولىقتاي سانيتايزەرلەر ورناتىلعان, قىزمەتكەرلەر ماسكامەن جانە قولعاپپەن جۇمىس ىستەيدى, كەستە بويىنشا دەزينفەكتسيالىق زاتتارمەن نىسان ءىشى مۇقيات وڭدەلەدى. ۆوكزال ىشىندە الەۋمەتتىك قاشىقتىقتى ساقتاۋ ءۇشىن ارنايى بەلگىلەر مەن قورشاۋلار قويىلعان.
-جولاۋشىلاردى شىعارىپ سالۋشىلاردىڭ ىشكە كىرۋىنە بول ما؟
-جوق, بولمايدى. قاۋىپسىزدىك ەرەجەلەرى بويىنشا ۆوكزال ىشىنە تەك قولىنداعى بيلەتىمەن جولاۋشىلار عانا كىرە الادى, شىعارىپ سالۋشىلار ىشكە جىبەرىلمەيدى.
-تەمىرجول كاسسالارى قالاي جۇمىس ىستەيدى؟
-بيلەت ساتاتىن كاسسالار كەستە بويىنشا تاڭعى ساعات 9.00 دەن 24.00-گە دەيىن جۇمىس جاسايدى. بيلەت الۋعا نيەت بىلدىرگەن جاندار ءۇشىن كىرەتىن جەكە ەسىك قاراستىرىلعان. الەۋمەتتىك قاشىقتىقتى ساقتاۋ ءۇشىن بولاشاق جولاۋشىلار ءتورت ادامنان جىبەرىلەدى.