بۇل توپتامادا الەمنىڭ 188 ەلىندە تاراعان COVID-19 ۆيرۋسىنا قاتىستى سوڭعى جاڭالىقتاردى جاريالاپ وتىرامىز.
28 مامىردا Johns Hopkins University (JHU) ۇسىنعان مالىمەت بويىنشا ۆيرۋس جۇقتىرعاندار سانى - 5 691 790,ء ولىم سانى - 355 629, ايىققاندار سانى - 2 350 088 ادام بولدى (جاڭارتىلعان ۋاقىتى 09:45).
11:55
جاپونيادا تۋريستەرگە كۇنىنە 185 دوللاردان تولەيدى
جاپونيا بيلىگى كوروناۆيرۋستىق ينفەكتسيانىڭ ورشۋىنە بايلانىستى شەكتەۋلەر الىنىپ تاستالعاننان كەيىن تۋريستەردى تارتۋ ءۇشىن ولارعا ەلدە بولعان ءار كۇن ءۇشىن اقى تولەۋدى جوسپارلاپ وتىر. بۇل باستاما ءۇشىن 12,5 ميلليارد دوللار قارجى بولىنگەن. بۇل تۋرالى The Jakarta Post حابارلادى.
شەتەلدىك ساياحاتشىلارعا كۇنىنە 20 مىڭ يەن (185 دوللار) كولەمىندە سۋبسيديا بەرىلەدى. بۇل سوما جاپونيادا بولعان كەزدە تۋريستەردىڭ شىعىندارىنىڭ جارتىسىن جابادى. ۆاۋچەرلەردى دۇكەندەر مەن ءدامحانالاردا جانە مەيرامحانالاردا پايدالانا الادى.
باعدارلاما شىلدە ايىنىڭ سوڭىندا ىسكە قوسىلادى. سۋبسيديا الۋ ءۇشىن تىكەلەي نەمەسە جاپوندىق تۋريستىك اگەنتتىكتەر ارقىلى قوناق ءۇيدى برونداۋ قاجەت.
«جالپى ىشكى ءونىمنىڭ 40 پايىزىن قۇرايتىن شارالاردىڭ ارقاسىندا ءبىز جاپون ەكونوميكاسىن 100 جىلدا ءبىر رەت بولاتىن داعدارىستان قورعايمىز. ەڭ ماڭىزدىسى, كومەك قيىن جاعدايعا تاپ بولعاندارعا تەز جەتەدى», - دەدى جاپونيانىڭ پرەمەر-ءمينيسترى سيندزو ابە.
10:45
ءۇندىستاندا ءبىر تاۋلىكتە 6,5 مىڭنان استام ادام ۆيرۋس جۇقتىرعان
ءۇندىستاندا ءبىر تاۋلىك ىشىندە كوروناۆيرۋستىق ينفەكتسيانىڭ جاڭا ءتۇرىن جۇقتىرعان 6,5 مىڭنان استام ادام انىقتالعان, وسىلايشا ەلدەگى ۆيرۋس جۇقتىرعانداردىڭ جالپى سانى – 158 333.
دەنساۋلىق ساقتاۋ جانە وتباسى ءال-اۋقاتى مينيسترلىگىنىڭ مالىمەتتەرى بويىنشا, 86 110 ادام ەم قابىلداپ جاتىر. 67 691 ادام (تاۋلىگىنە 3266 ادام) ساۋىعىپ شىقسا, 4531 ادام (تاۋلىگىنە 194 ادام) قايتىس بولدى.
ەل ورتالىعىنداعى ماحاراشترا شتاتىندا اۋرۋدىڭ بارلىق جاعدايلارىنىڭ ۇشتەن بىرىنەن استامى – 56 948 (تاۋلىگىنە 2190) جۇقتىرۋ وقيعاسى تىركەلگەن. ەكىنشى ورىندا تاميلناد شتاتى – 18 545 اۋرۋ (تاۋلىگىنە 817). ءۇشىنشى ورىنعا استانالىق دەلي وكرۋگى شىقتى, وندا 15 257 ادام (تاۋلىگىنە 792 ادام) بار.
بۇعان دەيىن ءۇندىستاننىڭ ىشكى ىستەر مينيسترلىگى 25 ناۋرىزدان باستاپ ەلدەگى وقشاۋلاۋ رەجيمىن 31 مامىرعا دەيىن ۇزارتىپ, شتاتتارعا كوروناۆيرۋسپەن اۋىرعانداردىڭ سانىنا بايلانىستى قىزىل, قىزعىلت سارى جانە جاسىل ايماقتاردى ءبولىپ كورسەتۋگە نۇسقاۋ بەردى. بۇگىننەن باستاپ ەل بيلىگى زاۋىتتاردىڭ جانە جەكە دۇكەندەردىڭ جۇمىس ىستەۋىنە رۇقسات بەردى. بەلگىلى ءبىر شەكتەۋلەرمەن قوعامدىق كولىك جۇمىسىن قايتا باستادى, سونداي-اق بىرقاتار ىشكى اۆيارەيستەرگە رۇقسات ەتىلدى, ارنايى پويىزدار باسقا شتاتتاردا قالىپ قويعان ميگرانتتاردى تاسىمالداۋدى باستادى.
31 مامىردا ءۇندىستان پرەمەر-ءمينيسترى نارەندرا مودي 11 ءىرى قالاعا قاتىستى وقشاۋلاۋ رەجيمىنىڭ جاڭا ەرەجەلەرى تۋرالى حابارلايدى.
09:45
دۇنيەجۇزىندە 5 691 790 ادام كوروناۆيرۋس جۇقتىردى.
355 629 ادام قايتىس بولدى.
2 350 088 ناۋقاس قۇلان-تازا ايىقتى.
اقش-تا 1 699 176 جاعداي تىركەلدى, 391 508 ادام ساۋىعىپ شىقتى, 100 418 ادام قايتىس بولدى.
برازيليادا 411 821 جاعداي تىركەلدى, 166 647 ادام ساۋىعىپ شىقتى, 25 598 ادام قايتىس بولدى.
رەسەيدە 370 680 جاعداي تىركەلدى, 142 208 ادام ساۋىعىپ شىقتى, 3 968 ادام قايتىس بولدى.
ۇلىبريتانيادا 268 619 جاعداي تىركەلدى, 1 166 ادام ساۋىعىپ شىقتى, 37 542 ادام قايتىس بولدى.
يسپانيادا 236 259 جاعداي تىركەلدى, 150 376 ادام ساۋىعىپ شىقتى, 27 117 ادام قايتىس بولدى.
يتاليادا 231 139 جاعداي تىركەلدى, 147 101 ادام ساۋىعىپ شىقتى, 33 072 ادام قايتىس بولدى.