ىشكى ىستەر مينيسترلىگى كىشكەنتاي بالالاردىڭ تەرەزەدەن قۇلاپ كەتۋ جاعدايلارىنا الاڭداۋشىلىق بىلدىرەدى. الدىن الۋ جۇمىستارى ۇنەمى جۇرگىزىلەتىنىنە قاراماستان, قايعىلى جاعدايلار سانى وسۋدە.
جىل باسىنان بەرى كوپ قاباتتى ۇيلەردىڭ تەرەزەسىنەن 26 بالا قۇلاپ كەتكەن. ولاردىڭ جارتىسى (12 وقيعا) مامىردىڭ ايىنداعى 20 كۇن ىشىندە ورىن العان. ۇلكەندەردىڭ قاراۋسىز قالدىرۋى سالدارىنان تەرەزەدەن ابايسىزدا قۇلاپ كەتەتىن بالالاردىڭ كوبى 2 مەن 8 جاس ارالىعىنداعىلار.
كوكتەمگى-جازعى كەزەڭنىڭ باستالۋى, سونداي-اق كوروناۆيرۋستىڭ تارالۋىنا بايلانىستى تۇرعىندار پاتەرلەردى ءجيى جەلدەتە باستادى. كارانتين جاعدايىندا بالالار كوپ ۋاقىتتارىن ۇيدە وتكىزەدى. ال اتا-انالار مەن تۋىستارى ۇيدەن ءجيى شىعىپ كەتەدى نەمەسە بالالاردىڭ بەلسەندىلىگى مەن ءار نارسەگە قۇمارپازدىعىن ەستەن شىعارىپ, ءۇي جۇمىستارىمەن الاڭسىز اينالىسادى.
بالالار اشىق تەرەزەنىڭ قانشالىقتى قاۋىپتى ەكەنىن بىلمەي, جاقىن بارىپ وينايدى. قازىرگى زامانعى تەرەزەلەردىڭ بالالاردىڭ وزدەرى اشىپ الۋىنا ىڭعايلى ەكەنىن ەستە ۇستاۋ قاجەت.
ءىىم ازاماتتاردى قاۋىپسىزدىك ەرەجەلەرىن ساقتاۋعا شاقىرادى.
بالانىڭ تەرەزەدەن نەمەسە بالكوننان قۇلاۋ قاۋپىن ازايتۋ ءاربىر اتا-انانىڭ قولىنان كەلەدى.
- ۇيدە كىشكەنتاي بالا بولسا, تەرەزەنى اشىق قالدىرماڭىز.
- تەرەزەنىڭ قورعانىشى بولماسا موسكيت تورلارىن پايدالانباڭىز.
- بالانى, اسىرەسە, تەرەزەلەر مەن شىنى ەسىكتەردىڭ جانىندا قاراۋسىز قالدىرماڭىز.
- بالانىڭ تەرەزە الدىنا شىقپاۋى ءۇشىن تەرەزەنىڭ جانىنا جيھاز قويماڭىز.
- بالالارعا تەرەزەنىڭ جانىنداعى جيھازعا نەمەسە باسقا توسەككە سەكىرىپ ويناۋىنا جول بەرمەڭىز.
- بالالارعا قاۋىپسىزدىك ساباقتارىن ۇيرەتۋ ماڭىزدى. ۇلكەن بالالاردى كىشىلەرگە قاراۋعا ۇيرەتۋ.
- بالالار بولمەسىنىڭ تەرەزەلەرىنە كەرەك-جاراقتاردى مۇقيات تاڭداڭىز. اتاپ ايتقاندا, كۇننەن قورعاۋ قۇرالدارى – جاليۋزدەر مەن رۋلوندى پەردەلەر جارقىرايتىن باۋلار مەن تىزبەكتەرسىز بولۋى ءتيىس.
-اباي بولىڭىز جانە ساق بولىڭىز! ەسىڭىزدە بولسىن, بالالاردىڭ ۇيدەگى قاۋىپسىزدىگىنە ءبىرىنشى كەزەكتە اتا-انالار جاۋاپ بەرەدى.