ماڭعىستاۋ وبلىسى پوليتسيا دەپارتامەنتىنىڭ قىزمەتكەرلەرى اقتاۋدا كوروناۆيرۋس جۇقتىرعان ادامنىڭ جەزوكشەلەرمەن بايلانىسىن جاسىرعانى انىقتالدى. بۇل تۋرالى سىبايلاس جەمقورلىققا قارسى ءىس-قيمىل اگەنتتىگى ماڭعىستاۋ وبلىسى بويىنشا دەپارتامەنتى حابارلادى.
«ماڭعىستاۋ وبلىسى بويىنشا دەپارتامەنت وبلىستىق پروكۋراتۋرامەن بىرلەسە پوليتسيا دەپارتامەنتى لاۋازىمدى تۇلعالارىنىڭ زاڭسىز ارەكەتىنىڭ جولىن كەستى. ولار جەزوكشەلىكپەن اينالىسۋ ءۇشىن اقتاۋ قالاسى اۋماعىندا پريتون جەلىسىن ۇيىمداستىرۋدا شەتەل ازاماتتارىنا قامقورلىق جاساپ كەلدى دەگەن كۇدىككە ءىلىندى, دەدى قر سىبايلاس جەمقورلىققا قارسى ءىس-قيمىل اگەنتتىگى اپپارات باسشىسى ق. جاپاقوۆ ونلاين بريفينگىدە.
پوليتسيا قىزمەتكەرلەرى كارانتين رەجيمىنە قاراماستان, پريتونداردىڭ قۇقىققا قايشى قىزمەتىنىڭ جولىن كەسۋگە نەگىزدەلگەن شارالاردى قابىلداماعان, سونداي-اق كوروناۆيرۋس ينفەكتسياسىن جۇقتىرعان ادامنىڭ جەزوكشەلىكپەن اينالىسقاندارمەن تىكەلەي بايلانىسى بار ەكەندىگىن جاسىرعان.
قازىرگى تاڭدا سىبايلاس جەمقورلىققا قارسى كۇرەس قىزمەتى پاراقورلىق, لاۋازىمدىق وكىلەتتىكتى تەرىس پايدالانۋ, جەزوكشەلىك پريتوندارىن ۇيىمداستىرۋ, سونداي-اق ادامدار ءومىرى مەن دەنساۋلىعىنا قاۋىپ تۋدىراتىن جاعدايلار تۋرالى اقپاراتتى جاسىرۋ فاكتىلەرى بويىنشا تەرگەۋ امالدارىن جۇرگىزۋدە.
قابىلدانعان شارالار ناتيجەسىندە 87 ادام وقشاۋلاندى جانە تەكسەرۋ بارىسىندا ەكى شەتەلدىكتەن كوروناۆيرۋس ينفەكتسياسى انىقتالدى. وقشاۋلانعاندار اراسىندا پريتونداردا جەزوكشەلىكپەن اينالىسقاندار دا بار.