تۇركىستانعا ىرگەلەس كەنتاۋ قالاسىندا سالىناتىن اللەيادا ورىندىقتاردىڭ بارلىعى سىزعىش, وشىرگىش, بور سەكىلدى مەكتەپ قۇرالدارىنىڭ كەسكىنىمەن جاسالادى. ال, كوشە جارىقشامدارى قالامساپ قالپىمەن ورنالاسادى.
قازىرگى كەزدە اللەيادا قۇرىلىس جۇمىستارى باستالعان, جول توسەلىپ, اعاشتار رەتتەلۋدە. جوبا اۆتورى سىزۋ ءپانىنىڭ مۇعالىمى نۇرلىحان احپامبەتوۆ الدىمەن قالا اكىمى داۋرەن ماحاجانوۆتىڭ قابىلداۋىندا بولىپ, شاھارعا ۇستازدار اللەياسىنىڭ قاجەتتىگىن ايتقان. وسى ماقساتتا جەر بەرۋىن سۇراپ, جوبامەن تانىستىرىپتى.
«ەسكيزدەرىن ساۋلەتشىلەرمەن بىرگە سىزدىق. اۆتورلىق قۇقىق بويىنشا ارنايى تىركەلدىم. اللەيادا كىتاپقا ەسكەرتكىش قويىلادى. كىتاپتىڭ ورتاسىنا ورنالاسقان سۋبۇرقاقتان سۋ اتقىلاعاندا بەينەبىر پاراقتارى اشىلىپ جاتقان ءساتتى كوزگە ەلەستەتە الاسىز. قاۋىرسىن قالامساپتىڭ تۇعىرى دا وسى اللەيادا ورناتىلادى. سونداي-اق حالىق سەرۋەندەگەندە بالالارىن ويناتاتىن الاڭشالار جاسالادى. ودان بولەك,ء ار ورىندىقتىڭ جانىنا شاحمات تاقتايشاسىن ورناتۋ جوسپارىمىزدا بار», دەيدى نۇرلىحان ەلامان ۇلى.
اللەيانى مۇعالىمدەر كۇنىنىڭ قارساڭىندا پايدالانۋعا بەرۋ جوسپارلانىپ وتىر.