تۇركىستان وبلىسى ىسكەر ايەلدەر قاۋىمداستىعىندا 40 ايەل تىركەلگەن. ىسكەر حانىمدار #BizBirgemiz اكتسياسى اياسىندا 25 از قامتىلعان, كوپبالالى, مۇكىندىگى شەكتەۋلى وتباسىلار مەن جالعىزباستى انالارعا مەديتسينالىق ماسكالار مەن ازىق-ت ۇلىك سەبەتىن دايىنداپ, تاراتتى.
ىسكەر ايەلدەر تۇركىستان قالاسىمەن قاتار وتىرار اۋدانى مەن قۇمتۇيىن ەلدى مەكەنى تۇرعىندارىنا دا قولداۋ كورسەتىپ, العىسىنا بولەندى. قاۋىمداستىق مۇشەلەرىمەن قولعا الىنعان يگىلىكتى ىسكە ەرىكتى جاستار قولعابىس جاسادى. ەلدى ۇرەيلەندىرىپ, ەركىندىگىن شەكتەگەن دەرتتەن ارىلۋعا دەم بولاتىن ساۋاپتى ىسكە اتسالىسۋ ءاربىر ازاماتتىڭ پارىزى, دەپ سانايدى تۇركىستاندىق ىسكەر حانىمدار. سونداي-اق ولار باسقا دا كاسىپكەرلەردى قايىرىمدىلىققا اتسالىسىپ, قيىن-قىستاۋ ساتتە قينالعان جاندارعا قول ۇشىن بەرۋگە شاقىردى.