مەن ەلىمىز تاۋەلسىزدىگىن العان سوڭ, 1992 جىلى موڭعوليانىڭ بايان-ولگي ايماعىنان اتاجۇرتقا العاشقى لەكپەن جەتكەندەردىڭ ءبىرى ەدىم. ارقالىق قالاسىنىڭ ىرگەسىندەگى «تسەليننىي» اۋىلىنا تۇراقتادىق. ءوزىمنىڭ ماماندىعىم ەكونوميست بولاتىن. اتاجۇرتقا كوشەردىڭ الدىندا مەكتەپتە تاريح پانىنەن ساباق بەردىم. بىراق اتاجۇرتقا كەلگەن سوڭ مەنىڭ ءبىلىمىممەن مۇنداعى مەكتەپتەردە قىزمەت ىستەۋ مۇمكىن بولمادى. ۇستازدىق سۇيىكتى ءىسىم بولسا دا, ونى امالسىز تسەليننىي اۋىلىنداعى مال شارۋاشىلىعىنداعى, اۋىلدىق كەڭەستەگى جۇمىستارمەن الماستىرۋعا تۋرا كەلدى. ال انامىز داريمان بايسەيىتقىزى پەداگوگيكا تەحنيكۋمىن بىتىرگەن بولاتىن, عۇمىر بويى باستاۋىش سىنىپتاردا ۇستازدىق ەتتى. ونىڭ الدىنان تالاي بالا ءارىپ تانىپ, ءبىلىم نارىنە سۋسىندادى. قازىر ەكەۋمىز دە زەينەتكەرمىز, بالالار مەن نەمەرەلەردىڭ ورتاسىندا باقىتتى قارتتىعىمىزدىڭ نەسىبەسىن كورىپ وتىرمىز. بىزدەر قۇرمەت تۇتقان كاسىپتى ۇلىمىز بەن قىزدارىمىز جالعاستىردى.
مەن ەلىمىز تاۋەلسىزدىگىن العان سوڭ, 1992 جىلى موڭعوليانىڭ بايان-ولگي ايماعىنان اتاجۇرتقا العاشقى لەكپەن جەتكەندەردىڭ ءبىرى ەدىم. ارقالىق قالاسىنىڭ ىرگەسىندەگى «تسەليننىي» اۋىلىنا تۇراقتادىق. ءوزىمنىڭ ماماندىعىم ەكونوميست بولاتىن. اتاجۇرتقا كوشەردىڭ الدىندا مەكتەپتە تاريح پانىنەن ساباق بەردىم. بىراق اتاجۇرتقا كەلگەن سوڭ مەنىڭ ءبىلىمىممەن مۇنداعى مەكتەپتەردە قىزمەت ىستەۋ مۇمكىن بولمادى. ۇستازدىق سۇيىكتى ءىسىم بولسا دا, ونى امالسىز تسەليننىي اۋىلىنداعى مال شارۋاشىلىعىنداعى, اۋىلدىق كەڭەستەگى جۇمىستارمەن الماستىرۋعا تۋرا كەلدى. ال انامىز داريمان بايسەيىتقىزى پەداگوگيكا تەحنيكۋمىن بىتىرگەن بولاتىن, عۇمىر بويى باستاۋىش سىنىپتاردا ۇستازدىق ەتتى. ونىڭ الدىنان تالاي بالا ءارىپ تانىپ, ءبىلىم نارىنە سۋسىندادى. قازىر ەكەۋمىز دە زەينەتكەرمىز, بالالار مەن نەمەرەلەردىڭ ورتاسىندا باقىتتى قارتتىعىمىزدىڭ نەسىبەسىن كورىپ وتىرمىز. بىزدەر قۇرمەت تۇتقان كاسىپتى ۇلىمىز بەن قىزدارىمىز جالعاستىردى.
ءبىزدىڭ وتباسىمىز ءۇشىن ءاۋ باستان ۇستازدىق ماماندىقتىڭ بەدەلى ۇلكەن بولدى. سەبەبى, ءۇيدە وتىرعاندا بالالاردىڭ اناسى ەكەۋمىزدىڭ اڭگىمەمىز كىتاپ, ءبىلىم تۋرالى ءوربيتىن. داريمان ءوز بالالارىمىزعا ۇلگىنى الىستان ىزدەمەيتىن. ول مەكتەپتەگى جاقسى وقيتىن وقۋشىلاردى ماقتانىش ەتىپ, ۇنەمى ايتىپ وتىراتىن. سوندا بالا ءتارتىپتى, ۇلگىلى بولۋعا العا ۇمتىلادى جانە سول اناسى ايتقان بالالاردى بەدەل ساناپ, سىيلاپ وسەدى ەكەن. ءبىز حالقىمىزدىڭ ءتىلىن, ءدىنىن, ءداستۇرىن, اتا-سالتىن تۋ ەتكەن جاندارمىز. موڭعوليادا تۋىپ وسسەك تە, انا ءتىل دەپ اتاجۇرتتى ىزدەگەن ەدىك. بالالارىمىز دا ءتىلدىڭ, ءسوزدىڭ قادىرىن باعالاپ ءوستى.
ۇلكەنىمىز, ۇلىم تولەۋ ۇستازدىق جولدى قالادى. استاناداعى ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىن ءبىتىرىپ, قازاق ءتىلى مەن ادەبيەتىنەن ساباق بەرەدى. قازىر قوستاناي مەملەكەتتىك پەداگوگيكالىق ينستيتۋتىندا قىزمەت ىستەيدى. جاڭا وقۋ جىلىنان باستاپ ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىندە ساياساتتانۋ ماماندىعىنىڭ ماگيسترى. ۇيلەندى, بالالى بولدى. ودان كەيىنگى نۇرجان دەگەن قىزىم قوستاناي اۋدانىنداعى گلازۋنوۆ ورتا مەكتەبىندە قازاق ءتىلى مەن ادەبيەتىنەن ساباق بەرەدى. ول ادىستەمەسى وزىق مۇعالىمدەر قاتارىندا, بيىلعى وقۋ جىلى باستالاردا وبلىس اكىمىنىڭ ماقتاۋ قاعازىمەن ماراپاتتالدى. ءوز ەڭبەگى وزىنە قۋانىش ەكەنىنە ءشۇكىرشىلىك ەتىپ وتىرامىز. ايجان دەگەن قىزىم اقمولا وبلىسىنداعى ەسىل قالاسىنداعى №3 قازاق ورتا مەكتەبىندە تاريح ءپانىنىڭ مۇعالىمى. ونىڭ 4 وقۋشىسى «التىن بەلگى» يەگەرى اتاندى. داريمان ەكەۋمىزدىڭ كەنجەمىز ەگىز قىز بالالار – شولپان-اينۇر دا مۇعالىمدىك ماماندىقتى قالادى. ولار ارقالىق پەداگوگيكا ينستيتۋتىنىڭ تاريح جانە گەوگرافيا فاكۋلتەتىن بىتىرگەن بولاتىن. قازىر شولپان ليساكوۆ قالاسىنداعى قازاق ورتا مەكتەبىندە تاريح ءپانىنىڭ مۇعالىمى بولىپ قىزمەت ىستەيدى. ونىڭ وقۋشىلارى دا رەسپۋبليكالىق وليمپيادالاردان جۇلدەمەن ورالىپ ءجۇر. ال اينۇرىمىز قوستاناي مەملەكەتتىك پەداگوگيكا ينستيتۋتىنداعى «تۋريزم جانە سپورت مەنەدجمەنتى» كافەدراسىنىڭ اعا وقىتۋشىسى, جاستاردى تۋريزم ىسىنە باۋلۋدى قولعا الدى. ماگيستراتۋرانى گەوگرافيا ماماندىعى بويىنشا ءبىتىردى. ونىڭ تۇلەكتەرى ەلىمىزدە, الىس جانە جاقىن شەتەلدەردە تۋريزم سالاسىندا قىزمەت ەتەدى. تولەۋىمنىڭ جولداسى, كەلىنىم فاريزا دا ءبىزدىڭ ديناستياعا قوسىلدى, ول دا ۇستاز. قوستاناي پەداگوگيكا كوللەدجىندە پسيحولوگيادان ءدارى