بۇگىن – وتباسى كۇنى
شاڭىراقتار شاتتىق شاشسىن
قاسيەتتى قازىعۇرت التىن قۇرساقتى انالارىمەن ماقتانا الادى. جاقىندا عانا 11 ميلليونىنشى قازاقتىڭ ءدال وسى كيەلى تاۋدىڭ ەتەگىندە دۇنيەگە كەلىپ, بۇل اۋداننىڭ دەموگرافيالىق مارتەبەسىن تاعى ءبىر جوعارىلاتقانى بار. وسى تاۋدىڭ ەتەگىندەگى اتبۇلاق اۋىلىندا تۇراتىن ءشاريپا اجە ومىرىندە 20 قۇرساق كوتەرگەن ەكەن. سونىڭ 14-ءى ءوسىپ-ءونىپ, قازىر بۇل اۋلەت ءبىر قاۋىم ەل بولىپ وتىر. بۇگىندە ءبىرى 80-گە, ءبىرى 75-كە تولعان ازبەرگەن قاريا مەن ءشاريپا اپانىڭ 35 نەمەرەسى, 20 شوبەرەسى بار. قايبىر كۇنى كوپ جاساپ, كوپتى كورگەن قاريالاردىڭ وتباسىندا بولىپ, سالەم بەرىپ, جاعدايىن ءبىلىپ قايتقان ەدىك.
قاسيەتتى قازىعۇرت التىن قۇرساقتى انالارىمەن ماقتانا الادى. جاقىندا عانا 11 ميلليونىنشى قازاقتىڭ ءدال وسى كيەلى تاۋدىڭ ەتەگىندە دۇنيەگە كەلىپ, بۇل اۋداننىڭ دەموگرافيالىق مارتەبەسىن تاعى ءبىر جوعارىلاتقانى بار. وسى تاۋدىڭ ەتەگىندەگى اتبۇلاق اۋىلىندا تۇراتىن ءشاريپا اجە ومىرىندە 20 قۇرساق كوتەرگەن ەكەن. سونىڭ 14-ءى ءوسىپ-ءونىپ, قازىر بۇل اۋلەت ءبىر قاۋىم ەل بولىپ وتىر. بۇگىندە ءبىرى 80-گە, ءبىرى 75-كە تولعان ازبەرگەن قاريا مەن ءشاريپا اپانىڭ 35 نەمەرەسى, 20 شوبەرەسى بار. قايبىر كۇنى كوپ جاساپ, كوپتى كورگەن قاريالاردىڭ وتباسىندا بولىپ, سالەم بەرىپ, جاعدايىن ءبىلىپ قايتقان ەدىك.
– جاعدايىمىز دا, تۇرمىسىمىز دا جامان ەمەس, بالام, – دەيدى ءشاريپا اپا, – اۋىلدىڭ كۇيبەڭ تىرشىلىگى بىتكەن بە, ءسىرا. شالىم ازبەرگەن ەكەۋمىز سابىر دەگەن بالامنىڭ, جانار اتتى كەلىنىمنىڭ قولىندا نەمەرە-شوبەرەلەرىمىزدى باعىپ-قاعىپ, سولاردىڭ ءتاتتى قىلىعىنا تويماي جۇرگەن جاعدايىم بار. ايتەۋىر, وسى بالاپاندارىم امان بولسىن, سولاردىڭ تىلەۋىن تىلەپ وتىرامىن. اللانىڭ وسى كورسەتكەن كۇنىنە مىڭ مارتە شۇكىرشىلىك. بالالارىمنىڭ ءبارى وسى كيەلى قارا شاڭىراقتا ءوسىپ-ءوندى. بۇل بەرەكە دارىعان قاسيەتتى شاڭىراق. قولىمىزدا مال بار, باۋ-باقشا, جەر بار, بالالارىم كەتپەن شاۋىپ, ەگىس ەگىپ, جۇرت قاتارلى كۇنىن كورىپ جاتىر. قولىمداعى بالادان باسقاسىنىڭ ءبارى شىمكەنت قالاسىندا تۇرادى. بارلىعىنىڭ ءوز كاسىبى بار. ساۋدا-ساتتىق, كاسىپكەرلىكپەن اينالىسادى. راۋشان دەگەن قىزىم ءومىر بويى ىشكى ىستەر سالاسىندا قىزمەت ەتىپ, زەينەتكەرلىككە شىقتى. وسى قىزىم باۋىرلارىنا قامقورلىق جاساپ, باس-كوز بوپ ءوستى. وسىنشاما بالانى ءوسىپ-جەتىلدىرۋ دە وڭاي بولعان جوق. ايتسە دە جاستاي ەڭبەكتەنىپ, شارۋاشىلىقتىڭ جۇمىسىنان دا قول ۇزگەنىمىز جوق.
– اپا, وسى ءسىز كەزىندە اسانباي اسقاروۆتىڭ قابىلداۋىندا بولىپ, قازاقتىڭ سالتىمەن سالەم سالعان ەكەن دەگەن اڭگىمەنى قۇلاعىمىز شالعان ەدى...
– ە, قاراعىم, ول راس اڭگىمە... اسانباي اسقاروۆ وسى وبلىستى باسقارىپ تۇرعان جىلدارى قابىلداۋىندا بولدىم. سول جىلدارى بالالارىمنىڭ الدى ەسەيىپ, شىمكەنت قالاسىنا جۇمىس ىستەۋگە بارعان ەدى. بىراق, پاتەر ماسەلەسى وتە قاتتى قينادى. كوبىنەسە ورىس اعايىنداردىڭ ءۇيىن جالعا الادى. قالاداعى جالعىز اعايىنى بولعاندىقتان, اۋىلداعى بارلىق باۋىرلارى, باسقا دا تۋىس-جەكجاتتار ءجيى قىدىرىپ بارادى. سودان پاتەر قوجايىندارى جاقتىرمايدى. وسى نارسە قاتتى نامىسىما ءتيدى. سودان بارلىق بالالارىمنىڭ تۋ تۋرالى كۋالىگىن الىپ, ءبىرىنشى حاتشى ا.اسقاروۆتىڭ قابىلداۋىنا باردىم. ءالى ەسىمدە, مامبەتوۆ دەگەن كومەكشىسى الگى كۋالىكتەردى كورىپ «وسىنىڭ ءبارى ءوزىڭىزدىڭ بالالارىڭىز با؟» دەپ تاڭعالدى. «ءيا» دەدىم. بارلىق كۋالىكتى الىپ, ءبىرىنشى حاتشىنىڭ الدىنا كىرىپ كەتىپ ەدى, كوڭىلدى شىقتى. ا.اسقاروۆ سول كۇنى ءتۇس قايتا قابىلدادى. اۋىلدا ۇلكەندەردىڭ تاربيەسىن كورىپ وستىك قوي. اتشاپتىرىم كابينەتكە كىرىپ بارعانىمدا قازاقى داستۇرمەن الدىمەن ءبىرىنشى مارتە كورىپ تۇرعان بولمەگە سالەم سالدىم, سوسىن سول بولمەنىڭ يەسىنە سالەم سالدىم. اسقاروۆ قاتتى ريزا بولدى. «مىڭ جاسا, قاراعىم» دەپ قولىمدى الىپ, ورىندىققا وتىرعىزدى. سودان وتباسىمنىڭ, اۋىلدىڭ جاعدايىن سۇرادى. ءبارىن جاسىرماي ايتتىم. ازامات ەكەن, كومەكشىسىن شاقىرىپ الىپ, «مىنا كىسىگە تەز ارادا پاتەر بەرىلسىن» دەپ تاپسىرما بەردى. ءبىر ايدىڭ ىشىندە قالانىڭ قاق ورتاسىنان 4 بولمەلى پاتەر بەرىلدى. بۇل شاڭىراق بۇكىل اعايىنعا قۇت باسپانا بولدى. بالالارىمنىڭ بارلىعى سول جەردەن اياقتاندى, سول پاتەردەن شاڭىراق كوتەرىپ, ەنشى الدى, جەتىلدى.
– ەل پرەزيدەنتi بiزدiڭ قوعامدا نەگiزگi وتباسىلىق قۇندىلىقتاردى نىعايتۋدىڭ ماڭىزدىلىعىنا ەرە