تۇلكىباس اۋدانىندا ءۇي ىرگەسىندەگى باۋ-باقشانى اعىن سۋمەن قامتاماسىز ەتۋ وزەكتى ماسەلەلەردىڭ ءبىرى بولاتىن. تۇرعىندار تاراپىنان ءجيى كوتەرىلەتىن بۇل ماسەلەنى شەشۋ ماقساتىندا اۋدان اكىمى نۇربول تۇراشبەكوۆتىڭ باستاماسىمەن بىرقاتار جۇمىستار ىسكە اسىرىلۋدا.
سونىڭ ءبىرى — دەمەۋشىلەردى تارتا وتىرىپ, ارىق-اتىزدى تازالاۋ. وسى ورايدا اۋدان اۋماعىنداعى 108,3 شاقىرىم بولاتىن 32 كانالعا مەحانيكالىق تازالاۋ جۇمىستارى جۇرگىزىلۋدە. ناتيجەسىندە 2997 گەكتار جەرگە اعىن سۋ بارىپ, 2960 ءۇيدىڭ ىرگەلىك جەرلەرى قايتا اينالىمعا قوسىلاتىن بولادى. بۇل باعىتتاعى جۇمىستىڭ جاندانعانىنا, اسىرەسە, ءۇي ىرگەلىك جەرلەرىنە ەگىن ەگىپ, ءونىم الۋىنا مۇمكىندىك تۋاتىن اۋىل تۇرعىندارى ءدان ريزا.
تۇركىستان وبلىسى