تۇركىستان: ىندەت جۇقتىرعاندار جەتىساي اۋدانىنىڭ تۇرعىندارى

كەشەگى كۇنى COVID-19 ينفەكتسياسى جەتىساي اۋدانى,  ىنتىماق اۋىلدىق وكرۋگىنىڭ 1977 جىلى تۋعان تۇرعىنىندا راستالدى. ول 4 ءساۋىر كۇنى قايتىس بولعان جەتىساي اۋدانىنىڭ ازاماتىمەن جاقىن بايلانىستا بولعان. ال بۇگىن جەتىساي اۋدانى, ش.دىلدابەكوۆ اۋىلدىق وكرۋگىنىڭ 1970 جىلى تۋعان تۇرعىنى جانە دوستىق اۋىلىنىڭ 1971 جىلعى تۇرعىنى, وسى اۋداننىڭ ىنتىماق اۋىلدىق وكرۋگى, وركەندى اۋىلىنىڭ 1994 جىلى تۋعان تۇرعىنىندا كوروناۆيرۋس ينفەكتسياسى راستالدى. اتالعان ازاماتتاردىڭ ۇشەۋى دە COVID-19 ۆيرۋسى انىقتالعان ناۋقاسپەن جاقىن بايلانىستا بولعان.

ىندەت جۇقتىرعاندار قازىرگى ۋاقىتتا وقشاۋلانىپ, ءتيىستى ەم قابىلداۋدا. ولارمەن بايلانىستا بولعانداردى انىقتاپ, وقشاۋلاۋ جۇمىستارى جۇرگىزىلۋدە.

جالپى وبلىس بويىنشا جەتىساي اۋدانىندا – 18 ادام تىركەلگەن, ونىڭ ىشىندە 64 جاستاعى ازامات 4 ءساۋىر كۇنى قايتىس بولدى. سونداي-اق, ارىس قالاسىندا - 14, كەنتاۋدا - 5, ورداباسى  - 2, سايرام - 2, ماقتاارال - 4, سارىاعاش – 1, بايدىبەك اۋدانىندا 1 تۇرعىن ىندەتكە شالدىققان.

تۇركىستان وبلىسى