تۇركىستان وبلىسى جەتىساي اۋدانىنىڭ ج.ەراليەۆ اۋىلدىق وكرۋگىندە ورنالاسقان س.سەيفۋللين اتىنداعى N52 جالپى ورتا مەكتەبىنىڭ ۇستازدارى كوپكە ۇلگى بولارلىق ءىس جاسادى.
مەكتەپ ديرەكتورى عازيزا شۇكىرباەۆانىڭ باستاماسىمەن مۇعالىمدەر اۋىلداعى 24 از قامتاماسىز ەتىلگەن جانە كوپبالالى وتباسىلارعا قايىرىمدىلىق كورسەتىپ, ازىق-ت ۇلىك ۇلەستىردى. بۇدان بولەك, 620 وقۋشىعا بەتپەردە تاراتىپ, از قامتىلعان وتباسى بالالارىنا داپتەر مەن قالام تارتۋ ەتتى. مەكتەپ ديرەكتورى كوپبالالى وتباسىلاردىڭ بالالارى قاجەتتىلىگىنە قاراي تولىعىمەن ىستىق تاماقپەن قامتىلعانىن ايتادى. سونىمەن قاتار, اۋىلدىڭ قالتالى ازاماتتارى مەن اتا-انالاردىڭ, ۇستازدار قاۋىمىنىڭ دەمەۋشىلىگىمەن قايىرىمدىلىق اكتسيالارى ءجيى ۇيىمداستىرىلىپ, جينالعان قاراجاتقا مۇقتاج وقۋشىلاردى وقۋعا قاجەتتى قۇرال-جابدىقتار, كيىم-كەشەكتەر تاراتىلىپ وتىرادى.
وزگەلەرگە ۇلگى كورسەتىپ وتىرعان مەكتەپ ۇستازدارى مۇنداي قايىرىمدىلىق شارالارىن وتكىزۋدى الداعى ۋاقىتتاردا دا جالعاستىرماق.
تۇركىستان وبلىسى