تۇركىستان وبلىسىندا كوروناۆيرۋس ىندەتىن جۇقتىرعان تاعى 7 ادام تىركەلدى. سوڭعى مالىمەتتەر بويىنشا وڭىردە كوروناۆيرۋس ينفەكتسياسىن جۇقتىرعان ازاماتتار سانى – 43-كە جەتتى.
ىندەت جۇقتىرعانداردىڭ التاۋى ءبىر وتباسىنىڭ مۇشەلەرى, ياعني ارىس قالاسى, ناۋرىز اۋىلىنىڭ 1965 ج. 1987 ج., 1989 ج., 1998 ج., 2004 ج., 2010 جىلى تۋعان تۇرعىندارى. سونداي-اق بايدىبەك اۋدانى, بوگەن اۋىلدىق وكرۋگى, مىڭبۇلاق اۋىلىنىڭ 1987 جىلى تۋعان تۇرعىنى COVID-19 ۆيرۋسىن جۇقتىرعان ازاماتپەن جاقىن بايلانىستا بولعان. ۆيرۋس جۇقتىرعاندار قازىرگى ۋاقىتتا وقشاۋلانىپ, ءتيىستى ەم قابىلداۋدا. ولارمەن بايلانىستا بولعانداردى انىقتاپ, وقشاۋلاۋ جۇمىستارى جۇرگىزىلۋدە.
جالپى وبلىس بويىنشا جەتىساي اۋدانىندا – 14 ادام تىركەلگەن, ونىڭ ىشىندە 64 جاستاعى ازامات 4 ءساۋىر كۇنى قايتىس بولدى. سونداي-اق, ارىس قالاسىندا - 14, كەنتاۋدا - 5, ورداباسى - 2, سايرام - 2, ماقتارال - 4, سارىاعاش – 1, بايدىبەك اۋدانىندا 1 تۇرعىن ىندەتكە شالدىققان.
تۇركىستان وبلىسى