بۇگىندە تۇركىستان وبلىسىندا جومارت جۇرەكتى ازاماتتار قايىرىمدىلىق شارالارىنا بەلسەنە قاتىسۋدا. مىسالى, الەۋمەتتىك قولداۋعا ءزارۋ وتباسىلارعا كومەك كورسەتۋ ءۇشىن ورداباسى اۋدانىنداعى بىرقاتار ۇكىمەتتىك ەمەس ۇيىم بەلسەندىلەرى جانە مەشىت جاماعاتى قايىرىمدىلىق شارالارىن وتكىزدى.
اۋداندىق «ارداگەرلەر كەڭەسى» قوعامدىق بىرلەستىگىنىڭ باستاماسىمەن ۋاق مال قۇرباندىققا شالىنىپ, تۇرعىندارعا ۇلەستىرىلدى. بۇدان بولەك, اۋدانداعى مەشىت جاماعاتى دا 2 ءىرى قارا مال ەتى مەن 21 قاپ ۇن, 500 دانا بەتپەردەنى 42 تۇرمىس جاعدايى تومەن وتباسىلارعا تاراتىپ بەردى. "اۋداندىق ايەلدەر كەڭەسى" قوعامدىق بىرلەستىگى مەن بىرلەستىك جانىنان قۇرىلعان «قاجى انالار» قاۋىمداستىعىنىڭ ۇيىمداستىرۋىمەن «تەمىرلان ابباتتاندىرۋ» مكك-نىڭ 32 قىزمەتكەرىنە ازىق-ت ۇلىك پاكەتتەرى بەرىلدى.
ال ماقتاارال اۋدانى اتاكەنت كەنتىنىڭ تۇرعىنى, "پيونەر گراين پرودۋكت" جشس-نىڭ ماقتاارال, جەتىساي, كەلەس, سارىاعاش اۋداندارىنداعى وكىلى, جەكە كاسىپكەر نۇرجان توقجىگىتوۆ 700 قاپ ۇندى مۇقتاج جاندارعا تەگىن تاراتۋ ءۇشىن اۋداندىق كاسىپكەرلىك ءبولىمى تاراپىنان دايىندالعان قويماعا تابىستادى. جالپى سالماعى 17,5 توننا بولاتىن ۇن ماقتاارال اۋدانىنداعى 2 كەنت پەن 9 اۋىلدىق وكرۋگتەگى از قامتاماسىز ەتىلگەن, كوپبالالى وتباسىلارعا بەرىلەتىن بولادى.
تۇركىستان وبلىسى