1961 جىلى 12 ساۋىردە تۇڭعىش عارىشكەر - يۋري الەكسەەۆيچ گاگارين عارىشقا قازاق جەرىندەگى «بايقوڭىر» عارىش ايلاعىنان ۇشتى.
اۆياتسيا جانە كوسموناۆتيكا كۇنىنە حالىقارالىق مارتەبە 1968 جىلى حالىقارالىق اۆياتسيا فەدەراتسياسىنىڭ كونفەرەنتسياسىندا بەرىلدى. 2011 جىلدان باستاپ وعان تاعى ءبىر اتاۋ قوسىلدى - ادامنىڭ عارىشقا ۇشۋىنىڭ حالىقارالىق كۇنى (International Day of Human Space Flight). 2011 جىلدىڭ 7 ءساۋىرى كۇنى بۇۇ باس اسسامبلەياسىنىڭ ارنايى پلەنارلىق وتىرىسىندا عارىش كەڭىستىگىن يگەرۋ ىسىندەگى العاشقى قادامعا 50 جىل تولۋىنا وراي ارنايى قارار قابىلداندى. ونىڭ تەڭ اۆتورلارى الەمنىڭ 60-تان استام مەملەكەتى بولدى.