تۇركىستان قالاسىندا اشىق اسپان استىندا وتەتىن دۋماندى مەرەكەلەرگە ارنالعان جاڭا الاڭ, دالىرەگى ەسىمحان الاڭىندا الەمگە ايگىلى نيۋ-يورك باسپالداعى سالىنۋدا.
اقش-قا جولى تۇسپەگەن تۇركىستاندىقتار بۇل نىساننىڭ پايدالانىلۋعا بەرىلۋىن اسىعا كۇتۋدە. «نيۋ-يورك باسپالداعى» اتاۋىن الدەن يەلەنگەن ەرەكشە ديزايندى دەمالىس ورنىندا «Open Space» ۇلگىسىندەگى ءىس-شارالار, سان الۋان سايىستار مەن فەستيۆالدەر وتكىزىلمەك. تۇركىستاندىقتار مەن ءوڭىر قوناقتارى ۇلكەن ەكراندا تەگىن فيلمدەر مەن فۋتبول ويىندارىن تاماشالاي الادى. اشىق ساحنالى, اينالمالى باسپالداقتى دەمالىس ورنىنىڭ بيىكتىگى – 4,5 مەتر, ەنى – 11 مەترگە ەسەپتەلگەن. ەرەكشە ساۋلەتتى نىسان جاستار مەن تۋريستەردىڭ سۇيىكتى دەمالىس ورنىنا اينالارى ءسوزسىز.
ايتا كەتەلىك, تۇركىستان قالاسىندا قۇرىلىس جۇمىستارىنىڭ قارقىنى باسەڭدەگەن جوق, جوسپار بويىنشا ءجۇرىپ جاتىر. قۇرىلىسشىلار ەڭبەك قاۋىپسىزدىگىمەن قاتار, توتەنشە جاعداي ەرەجەلەرىن قاتاڭ ۇستانۋدا. بارلىق سانيتارلىق تالاپتار كۇشەيتىلگەن.
تۇركىستان وبلىسى