تۇركىستان وبلىسى بويىنشا بيىل قارجىلاندىرۋدىڭ بارلىق كوزدەرى ارقىلى 670 مىڭ شارشى مەتر, ياعني 6 مىڭعا جۋىق پاتەردى پايدالانۋعا بەرۋ جوسپارلانۋدا.
وعان العىشارتتار دا جوق ەمەس. ماسەلەن, بيىلعى قاڭتار-ناۋرىز ايىنىڭ قورىتىندىسىمەن 111,2 مىڭ شارشى مەتر تۇرعىن ءۇي (783 پاتەر) پايدالانۋعا بەرىلگەن. سونىمەن قاتار, بىرىڭعاي تۇرعىن ءۇي ساياساتىن ىسكە اسىرۋ بويىنشا بيىل وبلىستا 30 نىساننىڭ قۇرىلىسى جۇرگىزىلۋدە. جىل قورىتىندىسىمەن 28 نىسان پايدالانۋعا بەرىلەدى. ال, وبلىس ورتالىعى تۇركىستان قالاسىندا مەملەكەتتىك بيۋدجەت ەسەبىنەن كرەديتتىك 88 تۇرعىن ءۇي سالىنۋدا, جىل سوڭىندا ونىڭ 24-ءى ەل يگىلىگىنە تاپسىرىلادى. بۇدان بولەك, جەكە سالىمشىلار تاراپىنان 37 تۇرعىن ءۇيدىڭ قۇرىلىس جۇمىستارى جۇرگىزىلۋدە, جىل سوڭىنا دەيىن 31 ءۇيدى پايدالانۋعا بەرۋ كوزدەلگەن. جالپى وبلىس ورتالىعىندا بيىل 2592 پاتەر پايدالانۋعا بەرىلەدى.
ايتا كەتەلىك, وبلىس كولەمىندەگى قۇرىلىس نىساندارىندا ساقتىق شارالارى وبلىس اكىمدىگى تاراپىنان كۇندەلىكتى باقىلاۋعا الىنعان. تۇركىستان قالاسىندا قۇرىلىسى توقتاعان نىساندار جوق.
تۇركىستان وبلىسى