جەر ءجۇزىن جايلاعان جايسىز ىندەتتىڭ تارالۋ جاعدايىندا حالىق وقشاۋلانىپ, ساقتىق ءۇشىن كارانتين تالاپتارىن ساقتاۋعا ءماجبۇر. دەگەنمەن بۇل قولايسىزدىقتىڭ ءوزىن قالاۋىن تاۋىپ, رۋحاني تۇرعىدان وي-ءورىسىڭىزدى كەڭەيتۋ ءۇشىن پايدالانۋعا بولادى ەكەن.
وسى رەتتە, كونفەسسياارالىق جانە وركەنيەتارالىق ديالوگتى دامىتۋ جونىندەگى ن.نازارباەۆ ورتالىعى مادەنيەتتەر مەن دىندەردىڭ عاسىرلار بويعى باي مۇراسى مەن تاريحىن كورسەتۋ ماقساتىندا «الەمدىك جانە ءداستۇرلى دىندەردىڭ كيەلى ءارى قاسيەتتى جەرلەرىنىڭ ۆيرتۋالدى تۋرلارىن» جيناقتاپ, وقىرمان نازارىنا ۇسىنادى.
زD فورماتىنداعى ۆيرتۋالدى ساياحات ارقىلى تورتكۇل دۇنيەنىڭ تۇكپىر-تۇكپىرىندەگى ءتۇرلى تاريحي ەسكەرتكىشتەرمەن, ونىڭ ىشىندە يسلام ءدىنىنىڭ كيەلى مەكەنى – مەككەدەگى قاعبامەن, يەرۋساليمدەگى – اكشاردحام حرامىمەن, بودحايا بۋددالىق قاسيەتتى ورتالىقپەن, سينتويستىك يتسۋكۋسيمامەن تانىسۋعا مۇمكىندىك بار.
قازاقستاندا ايگىلى «ازىرەت سۇلتان» مۇراجاي كەشەنىنىڭ دە كەرەمەتتەرىن ءدال وسىلايشا ۆيرتۋالدى كورىنىسىن تاماشالاۋعا بولادى, ونىڭ ىشىندە قوجا احمەت ياساۋي, رابيا بەگىم سۇلتان, ەسىم حان, گاۋحار انا مازارلارى مەن قىلۋەت جەر استى مەشىتىنىڭ كورىنىسى ۇسىنىلعان.
سوندىقتان ەلىمىزدىڭ قاي ايماعىندا بولسىن, بارلىق قىزىعۋشىلىق تانىتۋشى وقىرماندار وزدەرىنىڭ رۋحاني قاجەتتىلىكتەرىن عىلىم مەن تەحنيكانىڭ جاڭالىقتارىنا سۇيەنە وتىرىپ قاناعاتتاندىرا الادى.
ۇسىنىلعان ۆيرتۋالدى تۋرلارمەن ورتالىقتىڭ رەسمي الەۋمەتتىك جەلىلەرىنەن تانىسۋعا بولادى:
https://www.facebook.com/NNCIICD/, https://twitter.com/nncdiicdoffice, https://www.instagram.com/nncdiicdofficial/?hl=ru.