كەنتاۋ قالاسىنىڭ 42 جاستاعى تۇرعىنى «تاسارىق» سۋ ارناسىنداعى كوپىردەن سەكىرىپ, بۇل ومىردەن باز كەشپەك بولعان. ابىروي بولعاندا پوليتسيا قىزمەتكەرلەرى جىگىتتىڭ سۋعا باتقانىن كورىپ, تەز ارادا قۇتقارىپ قالدى.
الايدا سۋعا باتۋشىدا تىرشىلىك بەلگىسى جوقتىعىن اڭعارعان ءتارتىپ ساقشىلارى شۇعىل تۇردە جەدەل جاردەم قىزمەتكەرلەرىن كومەككە شاقىرعان. قۇتقارۋ توبى 7 مينۋتىڭ ىشىندە كەلىپ جەتكەن. مەديتسينا قىزمەتكەرلەرى كەلگەندە ازاماتتىڭ تىنىس الۋى توقتاپ, كلينيكالىق ءولىم ورىن العان. وڭ ناتيجەلى مەديتسينالىق كومەكتىڭ ارقاسىندا ازامات 2 مينۋتتان سوڭ وزىنە كەلگەن. جەدەل جاردەم كولىگىمەن كەنتاۋ قالالىق اۋرۋحاناعا جەتكىزىلىپ, قوسىمشا ەمدىك شارالارى كورسەتىلدى. ومىرىنە ەشقانداي قاۋىپ جوق. دارىگەرلەر وزىنە قول جۇمساماق بولعان ناۋقاس جۇيكە جۇيەسىنىڭ اۋىتقۋى بويىنشا ديسپانسەرلىك ەسەپتە تۇراتىنىن ايتۋدا.
تۇركىستان وبلىسىنىڭ جەدەل جاردەم قىزمەتكەرلەرى جىل باسىنان بەرى 160 مىڭنان استام شاقىرتۋعا شىققان. ونىڭ ىشىندە 10 ادامنىڭ ومىرىنە اراشا ءتۇسىپ, امان الىپ قالعان.
تۇركىستان وبلىسى