تۇركىستان وبلىسىندا Nur Otan پارتياسى قولعا العان ء«بىز بىرگەمىز!» اكتسياسى جالعاسۋدا. كومەككە اسا مۇقتاج تۇرعىنداردىڭ ءال-اۋقاتىن كوتەرۋ ماقساتىنداعى اكتسياعا وڭىردەگى كاسىپكەرلەر, ءماسليحات دەپۋتاتتارى مەن مەتسەناتتار اتسالىسۋدا. سولاردىڭ ءبىرى – بەلگىلى كاسىپكەر راشكۇل وسپاناليەۆا «تۇركىستان» الەۋمەتتىك-كورپوراتيۆتىك دامۋ قورىنا 25 ملن تەڭگە اۋداردى.
«مەملەكەت تاراپىنان ىندەتتى تاراتپاۋ, ەلدىڭ دەنساۋلىعى مەن قاۋىپسىزدىگىن ساقتاۋ ماقساتىندا كەشەندى جۇمىستار اتقارىلىپ جاتىر. بۇل قيىن ساتتە ەلدىڭ ءاربىر ازاماتى قوعامعا قولدان كەلگەن كومەگىن كورسەتۋى ءتيىس دەپ ەسەپتەيمىن. قاۋىپسىزدىك ەرەجەلەرىن ساقتاپ, سابىر ساقتاي بىلسەك, بۇل قيىندىقتان دا شىعامىز», دەيدى «بەرەكە-ا» كورپوراتسياسىنىڭ باسشىسى راشكۇل وسپاناليەۆا. اكتسيا بويىنشا ءوڭىردىڭ اۋدان, قالالارىندا 2 مىڭنان استام وتباسىعا ازىق-ت ۇلىك, گيگيەنالىق جانە مەديتسينالىق زاتتار تاراتىلۋدا. بۇل مىندەتتى ورىنداۋعا Nur Otan پارتياسى فيليالدارىنىڭ وكىلدەرى, «جاسوتاندىقتار» جانە ەرىكتىلەر تارتىلعان.
سونداي-اق كەنتاۋ قالاسىنىڭ تۋماسى, «ادەليا» شارۋا قوجالىعىنىڭ توراعاسى ابدياشيم زاكير ۇلى جەرلەستەرىنە قيار جانە قىزاناق جونەلتىپ, قولداۋ كورسەتتى. كاسىپكەردىڭ 18 توننا تارتۋى كەنتاۋلىق 5500 مۇقتاج تۇرعىنعا ۇلەستىرىلۋدە. جانى جومارت جان الداعى ۋاقىتتا تاعى دا كومەك قولىن سوزۋدى جوسپارلاپ وتىر.
تۇركىستان وبلىسى