يۋنۋس ەمرە ينستيتۋتى تۇركيا رەسپۋبليكاسى پرەزيدەنتتىك اكىمشىلىگىنىڭ قامقورلىعىندا تۇركيانىڭ اكادەميالىق جانە عىلىمي ىنتىماقتاستىق (TABİP) جوباسى اياسىندا COVID19-عا تويتارىس بەرۋ ءۇشىن جۇمىلىپ جاتقان تاراپتاردى ەڭ سوڭعى عىلىمي جۇمىستار مەن تەxنولوگيالىق جاڭالىقتاردى سەنىمدى اقپاراتپەن قامتاماسىز ەتۋ ءۇشىن «Covid-19 Hub» اتتى پلاتفورما اشتى.
قولدانۋشىلار covid19.tabipacademy.com اتتى سايتتا كوپتەگەن كاتەگوريا بويىنشا جۇزدەگەن ماقالا مەن ءاناليزدى اقىسىز تۇردە پايدالانا الادى.
يۋنۋس ەمرە ينستيتۋتى كورونوۆيرۋسكە قارسى جۇرگىزىلىپ جاتقان عىلىمي جانە تەxنولوگيالىق كۇرەسكە وسى اۋقىمدى پلاتفورمانى قولدانا وتىرىپ, ءوز ۇلەسىن قوسۋدى كوزدەيدى. ەڭ سوڭعى جاڭالىقتاردى, مالىمەتتەر مەن ناتيجەلەردى نەگىزگى قايناركوزدەردەن جيناقتاپ, ولاردى ءجۇز مىڭداعان ناۋقاستىڭ ءومىرىن قۇتقارۋ, ۆيرۋستىڭ تارالۋىن توقتاتۋ ءۇشىن ۋاقىتپەن جارىسىپ جاتقان عالىمدار, دارىگەرلەر, مەديتسينالىق جابدىقتاردى وندىرۋشىلەر مەن بارلىق ارىپتەستەرگە ۇسىنادى. سونداي-اق كورونوۆيرۋسكە قارسى جۇرگىزىلەتىن عىلىمي جانە تەxنولوگيالىق كۇرەستى جەدەلدەتەدى. ءبىز ۋاقىت جوعالتپاي, وسى قىسىلتاياڭ كەزەڭدە الدىمەن تۇركيانىڭ اۋرۋعا قاتىستى ەڭ ۇزدىك ناتيجەلەرى مەن سونداي-اق يۋنۋس ەمرە ينستيتۋتىنىڭ الەمدەگى جەلىلەرىن قولدانا وتىرىپ جاپونيا, وڭتۇستىك كورەيا, گەرمانيا مەن اقش-قا دەيىنگى بارلىق ەلدەردەگى ۇزدىك تاجىريبەلەردى ادامزاتتىڭ يگىلىگىنە جاراتۋدى كوزدەيمىز.
الەمنىڭ بارلىق ەلدەرىن ىقپالىنا العان كورونوۆيرۋسكە قارسى جۇرگىزىلىپ جاتقان كۇرەسكە ءبىر كىسىدەي ۇلەس قوسۋ بارلىعىمىزدىڭ مىندەتى, بۇل وتە ماڭىزدى. اتالعان سايتتى ارى قاراي جەتىلدىرە وتىرىپ, جۇرگىزىلىپ جاتقان وسى كۇرەسكە قولداۋ كورسەتكىسى كەلەتىن بارشاڭىزدىڭ پىكىر, ۇسىنىس جانە قولداۋلارىڭىزدى كۇتەمىز.