تۇركىستان وبلىسىندا 3 ءساۋىر كۇنى كوروناۆيرۋس ىندەتىن جۇقتىرعان سوڭعى 3-ەۋدىڭ ءبىرى 2019 جىلى تۋعان نارەستە ەكەنى ءمالىم بولدى.
ىندەت جۇقتىرعاندار ناۋقاستارمەن قارىم-قاتىناس جاساعان. مىسالى, 1992 جىلى تۋعان ناۋقاس سايرام اۋدانى, قوسبۇلاق اۋىلىنىڭ تۋماسى بىرىككەن اراب امىرلىگىنەن كەلگەن ازاماتپەن, ال 1991 جىلى تۋعان ازاماتشا مەن نارەستە نۇر-سۇلتاننان پوەزبەن كەلگەن ايەلمەن جاقىن بايلانىستا بولعان.
قازىرگى تاڭدا 10 ناۋقاس جەتىساي اۋدانىندا, كەنتاۋ قالاسىندا 2 ادام, ارىس قالاسى - 1, ماقتاارال -3, ورداباسى - 1 جانە سايرام اۋدانىندا 2 ادام تىركەلدى. جالپى وڭىردە كوروناۆيرۋس ىندەتىمەن 19 ادام تىركەلگەن.ۆيرۋس جۇقتىرعاندار قازىرگى ۋاقىتتا وقشاۋلانىپ, ەم قابىلداۋدا.